اقتباس:
المشاركة الأصلية كتبت بواسطة داليا غ
من وجهه نظرى احنا مجتمعات متغذيه على الارهاب الفكرى اى عندما نسمع احد يتحدث من هم اكبر منا نجدهم يقولون معظم الاسئله السابقه فتعودنا لا شعوريا ان نقولها مثلهم فقد وجدت نفسى قد تعرضت لجميع الاسئله السابقه رغم ان من يخبرنا بها امامنا ان وضع بموقفنا تتغير وجهه نظره بقدره قادر
|
أشكر لك مداخلتك الكريمة أختنا الفاضلة ..
هذه الأسئلة المطروحة هي مما لاحظته من خلال نقاشاتي أو مطالعاتي . ربما في نظري تكمن المشكلة في (مناطقية الدين) في بعض الأحيان . فالظن أن ما لدينا من العلم هو (الأفضل) ، وأن ما سواه هو (البدعة) .
وأفضل ما يشرح هذه (العقلية) هي طرفة أبو صالح وأبو راشد المنقولة من منتدى الساحات (الساحة المفتوحة) من شريط (شاااهد عقليات بعض الناس هنا ((((( في السعودية فقط))))) . تقول الطرفة :
أبو صالح جالس مع أبو راشد بعد صلاة العصر يسولفون ويقطعون الوقت...
تنهد أبو صالح وقال: أفكر في هالدين العظيم اللي طلع من مكة المكرمة ووصل إلى آخر الدنيا!!!
قال أبو راشد: إيه والله إنك صادق يا بو صالح...
قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه!
رد أبو راشد: والله إنك صادق يا بوصالح
وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد
فرد أبو راشد: والله إنك صادق يا بو صالح
قال أبو صالح: والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر
قال أبو راشد: ايه والله يا بو صالح إنك صادق...
قال أبو صالح: إن بغيت الإسلام في ها الديره (السعودية)
قال أبو راشد: ايه والله إنك صادق يا بو صالح...
فرد بتنهد أبو صالح: والله ماهوب دين كل أهل هالديره على اللي إنت تبي يا بو راشد؛ أهل الجنوب أهل بدع وزيدية وإسماعليية مالهم من الدين إلا اسمه
قال أبو راشد: ايه والله إنك صادق يا بو صالح
قال أبو صالح: والا أهل الشرقية رافضة وشيعة والله ما خذوا من الإسلام إلا اسموه، وأهل الحجاز مبتدعة صوفية ماهوب والله اللي إنت تبي يا بو راشد .
وأضاف أبو صالح: إن بغيت الدين والله في نجد والباقين خلهم على يسراك (شمالك)
رد أبو راشد: والله إنك صادق يا أبو صالح...
قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن (الدخان) ويشوفون الدش والله ما أدري عن دينهم يا أبو راشد!!! لكن لابغيت الإسلام تراه عندنا بالقصيم!!!
رد أبو راشد: والله إنك صادق يا أبو صالح...
فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبيعون التتن ويلبسون كبك والدشوش تملأ السطوح، إن بغيت الدين والله تره بذى عندك ببريده
رد أبو راشد: والله إنك صادق يا أبو صالح...
وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه . إن بغيت الدين إنزل ترى في حارتنا هاذى!!!
رد أبو راشد: والله إنك صادق يا أبو صالح...
قال أبو صالح: والله بعد ماهوب كل أهل الحارة على اللي إنت تبي، أشوفهم يسحبون رجليهم للمسجد تقل إنهم مغصوبين على الصلاة... والله ما بوه في الحارة إلا أنا وإنت يا بو راشد!!!
رد أبو راشد: والله إنك صادق يا أبو صالح...
أضاف أبو صالح: والله إني أشوفك مانتب تخشع في الصلاة يا بو راشد!!!!!
__________________________________________________ _