قيثارة

أرجوكم لاتهملون موضوعي

السلام عليكم ورحمة الله وبركاته

اكتب لكم موضوعي هذا وانا كلي رجاء منكم عدم اهماله

واعتبروني وحده من أختكم واتحبونلها الخير مثل ماتحبونه لخواتكم

اعذروني يمكن افكاري متلخبطه مثلي

موضوعي هو اني في علاقه حب مع انسان

هالانسان كلمة ملاك قليله عليه

انسان كله طيبه وحب وطهارة انسان يحب الناس اكثر مايحب نفسه
هالشخص يحبني حب جنوني وده يخطبني اليوم قبل باجر

والله لو اطلب عيونه بيعطيني اياها

علاقتنا ماتعدت المكالمات

المهم هالانسان ملتزم بأمورة الدينيه من صلاه وصوم وحفظ القرآن واخلاقه عاليه ولله الحمد وذوق ومنصب عالي ماشاء الله عليه

وكل شي فيه حلو وكل بنت اتوقع تتمنى المواصفات الحلوة اللي فيه

لكن المصيبه العوده واللي مش مخلتني اوافق على دخوله بيتنا لخطبتي والتقدم لي بشكل رسمي

هو مرضه

هيه هو مريض للأسف الشديد

فيه مرض سرطان الدم

وفي بدايته وفي أمل للشفاء مثل مافهمت عليه

وهالعائق الكبير اللي محطمني نفسيا

ومب مخلني انام الليل

انا مب عارفه اتخذ قرار نفسي وروحي تباه

لكن عقلي متخوف من ردة فعل اهلي

اتمنى تساعدوني في اتخاذ القرار

الله يرضى عليكم لاتهملون رسالتي

اتريا ردكم باسرع وقت ارجوج ارجوج ارجوج لاتهمليني

المصدر: نفساني