نفساني - عرض مشاركة واحدة - أشعار( نبض المشاعر ) غزل عفيف و عتاب جارح ( شارك معي )

05-02-2007, 12:56 AM

أنا ما ارتحت بالدنيا سبايب حظي المقرود

ولاعينت لي صاحب وفيّ بالهوى ليّا

لطيفٍ مخلصٍ وافي كريمٍ في غلاه يجود

ظروف الوقت ماتمنع حبيب فيه حنيّا

يغازلني بنظراته يداعب قلبي المشدود

يقول أشيا تجرّحني وقوله في حسن نيّا

ألا يازين تعذيبه مدام ان الغلا موجود

فداه العمر لو يبغى فداه الليّ بقى فيّا

أقوله صادق وربي انا له قدّها وقدود

إلى من جاد في وصله ومد إيديه بيديّا

ألا ياليت لوتصدق حلوم العاشق المحسود

يحسدونه على حظه وحظه بالهوا عيّا

كما الضميان في صحرا قفا به يومه الموعود

يطارد من عنا وقته سراب يحسبه ميّا

سلام الله على الدنيا سلام وللسلام ردود

وأنا واقف ومتحري هنا وهناك وهنيّا

قصيده للشاعر المبدع والرائع/ عبــــدالله القنيـــــص