نفساني - عرض مشاركة واحدة

11-02-2007, 06:06 AM

انا محتاجة لان ترشدوني كيف اساعد صديقتي
اولا هي بنت طيبه خفيفة الظل مرحه
بس تمر عليها اوقات ضيق يكون مزاجها معكر وقلبها يوجعها واذا حاولت اساعدها تقولي
انها اذا تضايقت لازم تجلس وحدها فتهدئ كذا هالشئ من عادتها
كما وانها رغم انها طيبه الا انها مثلا تجلس كلا تفتخر وتتكلم عن شئ تمتلك
ولما امتلكه انا تتركه وتكرهه كره غير طبيعي !
وبعد اي شئ ماتقدر تمتلكه تكرهه
بس كرهه غير طبيعي هي بعمري ثالث ثانوي 17 سنه
دائما تنسي ..وغير واثقة بنفسها الا بالكتابه والرسم هواياتها فهي واثقه بنفسها فيهم كثير
حتى البنات الي مايحبون يقرون تخليهم يحبون يقرون
وايضا دايما تقولي احس انهم مايحبوني انا مالي مكانه بهالعالم
وهي اجتماعيه كثير وتقريبا اغلب بنات فصلها يعرفونها بس اذا قلت لها هالشئ تقول كلهم مايجون الا علشان مصلحه
وفعلا انا اشوفهم كذا بس بعض صديقاتها لا ودايما تقلل من مكانتها وتقول ايضا انها الان تبلد احساسها
كانت سابقا يعني كعادة اغلب الاهالي يوم لاهل الاب ويوم لاهل الام هي اهل ابوها ماكان عندها احد بعمرها وهي كانت وحده نشيطه مرحه تحب اللعب فكان في ولد عمها بعمرها فحبته لحد ماوصلت لثاني ثانوي قال لها انه صار يحبها
فتغطت منه ..رغم انها تقول انا مااصدق القول بس الفعل وانا الان مب مهتمه بس كانت متضايقه اول ..
اما الحين ربما تكذب علي ودايما حساسه يمكن مايبغوني ..وتخاف كثير من الماضي
وتحاول ماتتذكره بس حاولت معها وقالتلي قصتها وهي اصل وضعي لهالموضوع تقول انها ماكان احد يحبها علشان شكلها
بالمرحلة الابتدائيه معني اني اذكمرها ماكانت شينه بالعكس عاديه قلت لها هالكلام قالت بالعكس كنت اخرع !
وكانت دائما وحيده كل بنات المدرسه مايحبونها ويتطنزوا عليها والناس بنات خالاتها اذا بيلعبوا معها
مثلا مايحطوا لها دور باللعب او مايلعبون مثلا يخلونها خدامه
وكانوا دايما المدرسات يضلمونها ويفشلونها قدام البنات
بس الموقف الي متاثره فيه كثير ماذكرته كله اصلا باليالله سحبت منها الكلام وكنا بالماسنجر مااحب اكلمها وجه لوجة بالمدرسه بهالمواضيع
المهم تقول ان في بنت كانت تكرهها وضلمتها عند المعلمه وهي ماسوت شئ المعلمه صرخت بوجهها بشكل يفزع وفشلتها عند الكل واعتقد ضربتها وحدثت اشياء كثيره اشد مارضت تذكرها لي بس من بعدها فقدت ثقتها بنفسها اما الحين تقول
انا صرت مبلدة المشاعر ودائما تقلل من مكانتها وتقول ان الكل يكرهها
علاقتها بااهلها والناس قويه
تكره الازدحاااااااام وتقول انها تخاف لما تروح لمكانويمتلئ مثلا مره رايحه خطوبة خالها لما امتلئ المكان جلست تبكي عند امها لانها خايفه هذا توه صاير

ساعدوني كيف ارجع لها ثقتها بنفسها اعتقد ان هالموقف بالذات اثر فيها رغم انها ماذكرت الشئ المهم فيه اعتقد فكانت تتهرب منه حاولت اساعدها كثير بس مافاد
اعتقدد هالموقف عقدها كثير ساعدوني

المصدر: نفساني