|
الاخصائي الاستاذ القحطاني ارجوك والرجاء فيك
دكتوري واستاذي القحطاني بارك الله فيك وفي علمك وزادك علما
اريدك ان تقراء حالتي وتخبرني عن حالتي ولك مني دعوه في ضهر الغيب باذن الله تعالى ....وهاذي القصه<<<
في البدايه كنت في احدا الايام قبل سنتين جالس امام التلفاز اتابع فلم انا وأخواني وفجئه اتاني ضيق في الصدر شـديد جدا وقمت بسرعه وزاد الضيق فقلت لاخي وديني المستشفى بسرعه وذهبت بسرعه
اثنا الطريق زاد الضيق قلت في نفسي انه الموت .انقطع التنفس ياويلي صلاتي قليله اشرب الدخان ..
يارب انك تمهلني علشان اصلي بس دقيقه... المهم رحنا الطواري كشف علي الدكتور وسوى تحليل قال انتا سليم المشكله يادكتور انه جاب مقياس الضغط والتنفس قال انتا والله احسن مني انا ماصدقت قلت طيب والكتمه هاذي منين قال اكيد قلق المهم جلست في المستشفى الين الصبح
.وجاني دكتور استشاري قال لي احد مزعلك في البيت قلت لا قال انتا طيب وروح بس لاتفكر كثير والله وبعدها رحت البيت وفي اليل جات الحاله ثاني مره ونفس كلام امس المهم سرت اروح للطواري في اليوم مرتين ..اخواني والله طفشو مني قالو انتا موسوس المهم بعدها رحت لمشياخ وماخليت احد سويت تحلايل في مسشفيات خاصه قالو انتا سليم بس روح للدكتور نفسي
رحت للدكتور صراحه هو يبغاله علاج اخلعني زياده وبعدين رحت دكتور على حسابي اعطاني سيروكسات ارتحت شوي وبعدين تركته..يادكتور السيروكسات مشكلته اول اسبوع كويس وبعدين يروح المفعول...
المهم بعدين ضليت
جالس في البيت مااخرج دقني كبر وشعري كثر مااقدر اروح الحلاق الي يشوفني يقول انتا كنت ضايع في الصحراء .المسكينه امي تحسبه سحر والله يادكتور ان ابوي يقول انتا اكيد قتلت رجال وش فيك اجل بس جالس في البيت زي البنت الله المستعان انا الأن على هاذا المرض منذو ثلاث سنين
دكتور انا الان متوقف عن العلاج منذو 6شهور ..
اريد بارك الله ان تخبرني ماهي حالتي مع العلم اني عرفتها وتعمقت فيها .واعرف انها نوبات هلع ولكن انتا الدكتور..
واريد اعرف ماهو افضل علاج لهاذي الحاله
الاعراض يادكتور هي كالتالي (مراقبة عملية التنفس)(مراقبة ضربات القلب والشعور انه توقف)(الخوف من الموت والقبر )(كتمه وغصه في الحلق وصعوبة البلع)(احساس اني شخص غير حقيقي او غير موجود في الحياه)(الانطواء في البيت طوال هاذي المده المرضيه)
يادكتور والله مليت مليت من كل شي ....الله يجزاك خير ويبارك لك في وقتك وعلمك ورحم الله والدينك
|