|
ارجوكم ساعدوووني بأسرع وقت ممكن انا جدا تعبانه من هذه المشكله وتخص حياتي بأكلمها
السلام عليكم ورحمه الله وبركاته
أمانه قبل لا اكتب اي وشخص راح يقراه موضوعي يحط لي اي تعليق يفيدني الله لا يهينكم وباكون شاكره لكم
مسامحه على جرأتي في هذا الموضوع بس الصراحه ماعندي حد اشتكي له غير الله ثم انتوا لان الموضوع جدا جدا محرج وحساس ويخص حياة كامله
الصراحه مشكلتي موعارفه شنو حلها صار لي فتره اعاني منها ومو لاقيه حل وياريت احصل مساعده منكم
انا بنت توني صغيره وتزوجت من انسان احبه ويحبني والحمدلله متفاهمين على كل شي
والكل عارف ان ليله الدخله نتعرف البنت عفه البنت وشرفها من فسقها وانا ولله الحمد واثقه من حالي كثير ومتربيه احسن تربيه وزوجي يعرف هذا الشي
وليله الدخله بعد ماقمنا بالمعاشره (( سامحوني كثير على الجرأه بس والله غصب علي)) طبيعي انه يتمزق غشاء البكاره ويطلع دم العذريه وانا الدم اعزكم الله اللي بين مني كلش قليل واهو الحين يتهمني بالغلط في حقه واني غبيت عنه اني مو عذراء
حالتي النفسه جدا تعبانه مع انه يعاملني باطيب معامله حتى واهو شاك فيني ويقولي انا مستحيل راح اتخلى عنج بس لازم تعترفين بأنج غلطتي وانه والله الشاهد علي اني عمري ماغلطت واهو عارف تربيتي عدل ثاني شي نفسي تعصيني عن الغلط وما اقدر اتجرأه عليه
والحين يقولي معاملتي فيج ماراح تكون مثل اول إلا اذا اعترفتي وانا اقسم بالله اني ماتعرضت لأي شي قبل الزواج وواثقه من حالي كثير وبينت له موقفي وقسمت له وقلت له اني مستعده احلف على القرآن بس اهو مو واثق حتى في حلفي
يقولي كميه دم العذريه جدا قليل وهذا شي مو طبيعي قلت له على حسب علمني ان كل بنت تختلف عن الثانيه ممكن يكون كثير ويمكن يكون قليل واهو مو راضي يقتنع
قلت له اسأل اخصائيين بس مو راضي :(
جدا تعبانه من هذا الموضوع يبيني اعترف بشي عمره ماصار ومستحيل كان يصير
سؤالي الحين هل انا فعلا مو عذراء؟؟ واهو صادق في كلامه؟؟
مع العلم انه يقولي لازم الدم يلتصق بعضوه الذكري وانا الصراحه ماسمعت عن هذا الشي ومالي خلفيه فيه
وملاحظه ان الدم اللي نزل اعزكم الله جدا قليل ولونه مو احمر صاير بني على ماروني
ساعدوني ارجوكم المسأله جدا حتميه وومكن تخترب حياتي فيها وانا ما ابغي ادخل اي احد من الاهل لاني وااايد خايفه
ارجوكم ساعدوني وادعوا ان الله يهديه ويدله على الحق وياريت تكتبون لي نصائحكم وتخبروني بصحه كلامه علشان اوريه رأيكم على وعسى يقتنع
وسامحوني على الجرأه
|