نفساني - عرض مشاركة واحدة

22-02-2007, 01:20 PM

مع التحية والشكر لمن مرّ أو قرأ أو فهم أو أُفهم أو تجاهل هذه الفضفضة النفسية ..
هي لأبني مروان بن أحمد حفظه الله ورعاه .. أسطرها له عبر هذا الصرح الأعلامي ..

مقدمة

أنا: أنا ليه كل مواضيعي جدالية وأتعرض فيها للهمز واللمز ؟
هو : أصلا ابو مروان جدع غاوي مشاكل في كتاباتو وردودو
هي: دا ابو مروان مواضيعو غثيثة ومن قال لكم هو عامود في نفساني ؟

هههههههههه

شايف المشاكل دي يامروان ؟ عارف إيه حلها؟ تعال نقرا الموضوع وهتحلها إنت بنفسك بكل بساطة..
هنعرف النهارده حاجة مهمة قوي.. و هي:

المصفاة

عارف المصفاة يا أبني يامروان؟
أيوه بالضبط.. اللي بتصفي بيها عصير الليمون والبورتآل والكزر يا بابا

هنعمل بيها إيه دي؟ وإيه علاقتها بالموضوع يا آبا ؟؟
تعالوا نشوف مع بعض إيه الحكاية يا ولد:
زي ما عرفنا, الواحد مننا بيجمع المعلومات من البيئة اللي حواليه يامروان
عن طريق حواسه الخمسة وأنظمته التمثيلية (بصري، سمعي، شعوري،....)
والمعلومات دي بتروح على المخ (الخريطة اللي بتحركنا) اللي وريتك أياها أنبارح

بس السؤال هنا:
هل المعلومات دي بتروح مباشرة على المخ يا با ؟
الإجابة: للأسف لأ يامروان .. بتتصفى في مصفاة معينة قبل ما توصل..
والمصفاة دي هي موضوع حلقتنا النهارده مع أخوانك في منتدى نفساني ..

المصفاة دي 3 أنواع يا بني :

مصفاة الحذف / مصفاة التعميم / مصفاة التحريف

خليك مركز معايا وتعال نشوف

مصفاة الحذف

المصفاة دي بتاخد المعلومات اللي جت لها وتحذف منها شوية كلام هي مش عاوزاه تسمعو .. بتعدي حاجات وماتعديش حاجات..

إنت قاعد دلوقتي أمام جهاز الكمبيوتر بتقرا موضوع باباك اللي هو انا وأنا عارفك كويس أنك ولد حذق وفطن وجالس مركز فيه..
وفي نفس الوقت فيه مؤثرات كتيييرة جدا حواليك.. فيه أصوات كتير حواليك صح يا أبني؟
ركز كده.. لكن إنت ماكنتش منتبه للأصوات دي ومركز في القراءة.. صح؟
أهي المصفاة دي دورها كده.. بتلغي شوية مؤثرات وتسيب غيرها ..
المعلومات اللي رايحة في طريقها للمخ المصفاة مش بتسيبها تعدي في حالها..
بتلغي شوية حاجات هي مش عاوزاها ..

مصفاة التعميم

المصفاه دي يا أبني بقى على العكس.. بتاخد شوية معلومات وتكبرها
وتحسسك إن هي دي بس المعلومات الموجودة ،يعني عممت المعلومات دي على التجربة كلها. أديك مثال : فكر في حد إنت مش بتحب تقرأ له في المنتدى اللي انت مسجل فيه ، أو مش بتستلطف تشوف أسمو في المنتدى مطلقا.. فكرت فيه؟..

اكتب هنا أهم صفاته: (((( ..... ، ....... ، ........ ، ...... ))))) أكتب متخافش يا ابني ..

شفت؟ هو ده بقى التعميم.. كل بني آدم فيه ملايين الصفات الكويسة والوحشة..
لكن إنت عشان مش بتحب الشخص ده, وصفته بصفة سلبية.. رغم إن فيه صفات إيجابية كتير.. مصفاة التعميم خلت الصفة السلبية دي هي اللي تتعمم..
رغم إن أكيد فيه صفات كويسة كتير، المصفاة دي ما خلتهاش تعدي لمخك (الخريطة).

وحدة من الأخوات تقول : " كل الرجالهنا في المنتدى قاسيين .."
ده مثال تاني للتعميم.. صاحبة الجملة دي أكيد مرت بتجربة مع واحد قاسي,،
خلتها تعمم الموضوع على كل الرجال.. مع إن ده مش صحيح...

مصفاة التحريف

[B]

المصفاة دي غير اللي فاتوا خالص بتاتا .. لأنها ببساطة بتحرف المعلومات اللي رايحة المخ ..
لي واحد صاحبي في الجامعة يا أبني .. أظنك تعرفه يا مروان بس مش حقولك أسمو دلوقتي بيحب واحدة زميلتنا جدا وناوي يتقدم لها على كتاب الله وسنة رسوله صلى الله عليه وسلم , وهي مش في دماغها أصلا ..
وفي يوم من الأيام كانت ماشية قدامنا وقالت: " صباح الخير يا جماعة " ....
كلمة عادية جدا يقولونها أغلب الناس ...
صاحبنا ده قال إن ده دليل إنها بتحبه وإنها تعمدت تعدي قدامنا ، وتقول كده عشان تشوفه!! .. الغريب إنه كان مصدق كده تماما.. السبب في كده: مصفاة التحريف..
خلت الموقف العادي ده يتحرف ويبقى حاجة تانية خالص..
طيب.. أي نوع من دول عندنا؟؟
صح.. التلاتة طبعا.. كل مصفاة في وقتها بطريقة لا إرادية...
------------
طيب دلوقتي خلينا أزاي نتحكم في المصافي دي ؟
دلوقتي بعد ما فهمنا أنواع المصافي دي وازاي بتشتغل, نقدر بكل بساطة
نتحكم فيها عشان نعيش حياة أسعد..
تعال نشوف المشاكل دي كده:

مشكلة 1:
هو: أبو مروان صاحب مشاكل كتيره في نفساني

مشكلة 2:
هي: مواضيع ابو مروان تسبب دوما مشاكل لبعض الأعضاء وبعض المشرفين ..!!

خدت بالك من كلمة دوما ومشاكل ..
فكر كده في الفلاتر اللي استخدمت في كل حالة ..
مروان انت مركز معايا يا أبني ؟

المشكلة 1:
الأول : استخدم مصفاة ( التعميم والإلغاء)
ركز في مشكــلة صاحب مشاكل (تعميم) وتــجاهل حاجات كتــير قـــوي
ممكن تكون كويسة في باباك (إلغاء).

عارفين الحل إيه؟
يستخدم الإلغاء في موضوع الكلام الكتير ويعمم في أي صفة حلوة عندها..
يركز في إن مراته منظمة مثلا.. في إنها بتحبه..

في إنها بتربي عياله كويس وبتخلي بالها من بيته.. كده يعني..
كل ماتتكلم كتير قدامه يركز كم هي حنونة وجميلة وتحملت معي الكثير..

وبكده هيعدي الموضوع!

المشكلة 2:
الأخت الثانية : استخدمت مصفاة (التعميم والإلغاء والتحريف).
مصفاة التحريف: يعني معقول الكاتب أبو مروان عمره ما حط موضوع مفيد وعملي وأستفاد منو 1% من الأعضاء ؟

نكمل باقي الموضوع بكره أن شاء الله ..

المصدر: نفساني