نفساني - عرض مشاركة واحدة

24-02-2007, 02:07 PM

اولا السلام عليكم ورحمة الله وبركاته

اخواني اخواتي الكرام

اتمنى انكم تتقبلوني عضو جديد معكم
وهذي اول مشاركة لي اشتكي فيها حالتي بارك الله فيكم

اولا انا شخص تقدرون تقولون حساس شوي وخجول بعد

انا بالعادة اراعي مشاعر غيري ولا احب استهزي باحد مهما كان

ومشكلتي كالتالي

لاحضت على نفسي من حوالي ستة شهور تغير تام بشخصيتي

اتوقع انها من بعض الصدمات اللي انا انصدمت فيها مع مرور الوقت

صرت الان اذا كلمت احد تتغير تعابير وجهي والاحظ على نفسي اثار الخوف

مع اني ماادري وش السبب

تغيرت على اصحابي وهم بعد تغيروا علي صرت افضل الوحدة والانطواء نسبيا

هالحين اصبحت اتهرب من مقابلة اي احد وتزيد دقات قلبي اذا تكلمت مع احد سواء كان غريب ولا اعرفه

بالرغم في السابق ماتتخيلون كيف انا اقدر ابني علاقات واسلوبي مع الناس
مميز جدا جدا

ولكن الان لو تكلمت مع احد اتكلم بكل حساسية واتكلم ولا ابي اي احد يجرحني بالكلام

والاحظ هالحين حتى اصحابي لاحظو التغير اللي طرا علي فجأة ولا ادري وش اسبابة

تغيرت على اصحابي بالعمل واكلمهم بكل خجل زايد عن اللزوم

وحتى اذا احد هالحين صرخ بوجهي مااتحمل واحس انه بيغمى على مو من الخوف

بس ماادري وش السبب بالرغم بالسابق لو صار لي موقف صعب اتجاوب معه

بكل سهولة واتصرف بكل ذكاء لكن الحين ماعاد اقدر

مااطول عليكم

لكن واللي يعافيكم اخواني لو احد عنده علم عن حالتي يخبرني وعلاج بعد

هل انا الان اصبحت مريض نفسي

واللي يعافيكم ابي الحل

اقدر اضحك وبكل جراءة اذا سمعت اخبار سيئة حتى لوكانت على نفسي

بالرغم والله العظيم انا ماابي اضحك اصلا وهذا شي استغربت منه بعد

تقبلوا تحياتي

المصدر: نفساني