|
أسوأ عبارة سمعتها خلال أسبوع !!
بالبدايه صحيت من النوم كلي نشاط وحيويه <<< تعرفون مصدره الاولاد بيت الاهل يعني هشك بشك على كيف كيفك خخخ
المهم من بعد السعاده ذي كلها ؛ والراحه النفسيه ؛ لقيت ابو العبد مبتسم وفرحان ويقول : ودي اقولك شي ؛ ترى الخطة حاب اغيرها ؛ طبعا سويت نفسي ماني فاهمه وقلت : أي خطه ؛ هونت ماتبي تسوي غزو للصومال رحت لروسيا الحمدلله والشكر !!
قال :نفسي في مولود صغير يملا علي حياتي لأني احب الأطفال الصغار مع انهم متعبين بس حلوين وينسو الدنيا وما فيها من هم وحزن !!
طبعا جلست وانا مكتفه اياديه وقلت : نعم نعم يابو الشباب ؛ انته قلت تبي 2 ( بنت وولد ) طبعا ماصار نصيب طلعو اولاد وجبنا الثالث وطلع ولد كمان ؛ وتبي تحاول المره الرابعه ؛ انا مدري على ايش ذابح نفسك تبي بنت ؟! ..الا تبي تغثني من الصبح !! ..
طبعا اتضحك بدون نفس وقال : الله يبشرك طمنتيني !!
وفي اليوم الثاني مفكر اني اغير رأيي ؛ طبعا قلت له : لا اسطفل لبيت هلك ؛؛ قالي : أجل ماتعزيني ولا تحبيني ؛ قلت له : والله عالعين والراس بس مدري ويش لك بالسالفه ؛ حقيقه انا وحده مالي خلق الحين ...احس كذا مرتاحه موسعه صدري وأبي اخطط على شي اقتصادي ...قال : هالله هالله ..ليه ناويه تدخلين بالتجاره العالميه انتي مع قروشك الزايده !! ..وبعدين قال : اقول أركدي ترى بالله انتي عامله قلق بدون سبب ؛ وبعدين ويش فيها لو زيدنا الانتاج العائلي ؛ خليها حق نكتب اسماءهم بالاسهم والاكتتاب !! ..طبعا ضحكت وقلت : اييييييه يعني الشغله فيهم اسهم وبطاقات ..يعمي روح ربيلك يتيم وتكفله واستنفع باسمه !! << صج ثقالة دم عند بعض الرجال !!
----------
|