نفساني - عرض مشاركة واحدة

14-03-2007, 01:45 AM

السلام عليكم
الى كل شخص يقدر يساعدني لايتردد وماادري اذا كانت الزاوية المناسبة حتى اطرح مشكلتي؟
خلااااااااااااااااااااااااااص انا على حافة الانهيار من جد انا فتاة عمري 18 عام
الحالة بدأت معي يمكن من سنة اوسنتين وهي اني اعذب نفسي جسديا وايضا نفسيا

يعني استخدم الموس والكي في جرح جسمي وطبعا في المناطق اللي مااحد يلاحظها مثل الفخذ وفي اقصى الحالات الجأ للعض حتى يصير لون الجلد ازرق خصوصا لما اعاقب نفسي على غلط يمكن ماعملته لكن اقنع نفسي اني لي يد فيه؟ حتى لما يمضي فترة افرح بالاثر اللي اشوفه من العض
تمر علي ايام اعتبر نفسي متخلفة اوحتى مجنونة واحيان انسانة عاقلة لدرجة اني اخترعت لنفسي ناس اكلمهم واحكي لهم واخذ رأيهم في كل شي
ابتلاني الله بمرض البهاق اللي شوه منظري ووجهي لدرجة اني كنت اكوي البقع البيضاء بالنار على امل انها تختفي لكن المرض يتزايد في جسمي عزلت نفسي عن الناس والزيارات اقتصرت طلعاتي على السوق بحكم الغطاء اللي على الوجه يستر هذا العيب حتى الزيارات او الناس اللي يزورونا اعتذر بحجة اني نايمة او خارجة او اي شي بس اهم شي مايشوفني احد اخاف يمر علي يوم واندم على كل شي لان الكل ينصحني بالعلاج(على حد قولهم)بالاعشاب جربتها لكن مانفعت قضيت 9سنوات اغلبها على علاجات الاعشاب لكن مانفعت تحملت طعمها والجلوس في الشمس احيانا الساعة 1الظهر احس بحرقة وقهر ونفسي اصرخ من كثر القهر اللي فيني والله اني احيان اقتنع بنفسي وان امتحان من عند الله لكن نظرات الناس وحتى اهلك ماترحم تقنعك انك انسان ناقص انسان فيك عيب وانا اعترف على الاغلب اني انسانة غير متزنة وماادري اذا كان حكمي على نفسي صح
عشت طفولةانا نفسي متخلية عنها مع ان الطفولة احلى مراحل الانسان لكن عشتها يتيمة الاب معذبة النفس من داخلي .....
كنت اتمنى اني اعيش حياة كاملة من اب وام واكون مثل كل الناس مع ان مافي احد كامل لان الكمال لله
دائما اقنع نفسي ان ربي يعاقبني على عمل انا عملته مهما كان صغير اوكبير حتى لو اني فكرت بشيء سئ اوا سمعت اغنية ...الخ مع اني وللحمد لله احافظ على الصلاة اول بأول
الحياة كانت بنظري انا وبس مااهتم باأحد بس نفسي اعطيت انطباع سيء عن نفسي عند كل اللي حولي حتى الحوار والكلام دائما يكون مع نفسي واخاف اني لوتكلمت مع احد يضحك علي ويستهزأ فيني
ولما حاولت اعدل هاذي النظرة حسيت ان الوقت فات واني راح يمر علي يوم الاقي الي حولي من اخواتي وامي والكل تخلى عندي حتى زواج ان مااتزوج لان ماحد يفكر يتزوج انسانة معقدة انسانة عاشت حياتها باالوساوس والتفكير الاناني ...
اتمنى اني اعيش حياة جديدة انسانة جديدة ...حياة خالية من العذاب بأنواعه اتعلم الصبر في الحياة اتعلم اني مااندم على شي فات وان الانسان يسعى لكل خير في حياته يسعد نفسه ويسعد اللي حوله

المصدر: نفساني