|
ابي ارتاح ........... ساعدوني
بصراحة ما اعرف كيف ابدا
انا مطلقة عندي بنت
بذكر قصتي بإختصار
تزوجت ولد عمي وهو من جنسية ثانية و لانه ولد عمي ابوي ما كلف عليه في اي شيء ابسطها حتى مهري ما دفعه ولا تكاليف زواجي ما عرفت بالامر هذا الا قبل العرس بأسبوعين وحاولت انهاء كل شيء بس معارضة الاهل وكلام الناس كان من الامور اللي خلتني اسكت
المهم حملت في الشهر الاول من العرس وكثير خلافات كانت بينا بسبب وبدون سبب وكلها مالها اساس شك غيرة تحكم بدون فهم
كنت ادرس بالجامعة الحمد لله اني ما تركت دراستي لكن مستوى نزل بسبب الظروف
اخر شيء قررت انه علاقتي فيه وزواجنا فاشل راح تستمر الخلافات لاني وصلت لمرحلة خلاص اكرهه وادعي من دون وعي في صلاتي عليه ان الله يفكني منه اما بوفاته او وفاتي لاني كثير عانيت منه كثير ما ابي اجلس في موال التذكر والتفاصيل
المهم رفض يطلقني علقني قريب الخمس سنوات
لين تطلقت مقابل ان دفعت له (خلع ) والحين الحمد لله مطلقة من سنتين عمر بنتي سبع سنين و محرومه منه لانه ما يبي يتواصل وياها
الموضوع ومافيه اني ما احس بالرضى احس بالقهر
دائماً احس بضيق وظلم في داخلي قهر كل ما اتذكر الماضي
انا ما وقفت على الماضي وما تقدمت بالعكس
انا الحين موظفه والحمد لله وراتبي ممتاز واصرف على نفسي واهلي وبنتي ومب قاصرني شيء كثير يتقدمون لي من قبل ما انفصل لكن انا ما ابي
اذا كان ولد عمي وكل اللي سويناه له وظلمني كذي كيف الغريب
لكن لو جلست مع نفسي كثير احس بنار داخلي شو الذنب اللي ارتكبته علشان يستوي لي جي
ليش انا بالذات رغم انه ما ينقصني شيء من والى الحمد لله جمال خُلّق و خَلق ليش انا بالذات
كثير ناقمة على الوضع والمجتمع ليش كثير احلم اني ابكي ومقهورة
ما اعرف ساعدوني ابي ارتاح
|