خواطر العشاق

بيانات اضافيه [ + ]

رقم العضوية : 19557  تاريخ التسجيل :  03 2007  أخر زيارة : 03-09-2017 (10:42 PM)  المشاركات : 5,683 [ + ]  التقييم :  83

لوني المفضل : Cadetblue

حياك الله اختي ويسرني اكون اول من يرد عليك


كويس انك تقولين وتتعترفين انك مكبره سالفة الطبخ ..... وهي صغيره وع كلا اتصور شي طبيعي تخوفك لانك سمعتي الكثير من صديقاتك والظاهر اغلب الحوارات كانت تدور بينكم عن الطبخ وصعوبته وردة فعل الحموله وكيف بطبخ لهم و.. ... بس تطمني الموضوع اصغر بكثير من الحجم الي انت معطيته وسبحان الله بقولك شي عن نفسي
قبل لا اتزوج والله العظيم ما كنت اعرف اطبخ ولا اسوي شي اللهم كبسة رز وجريش لاني احبه ..... وبعد الزواج عشت في مجمع سكني مع حمولتي لي بيت خاص بس طبعا الغداء مع بعض والعشاء مع بعض وصدقيني كنت عايشه في اجواء اقرب الى المسلسل الكويتي القديم (خالتي قماشه)وبدون مبالغه وكان لازم علي وقت مايكون علي العشاء اطبخ ل22 شخص ما بين كبير وصغير واليوم الي مايكون علي فيه العشاء لازم اعمل صياني الحلى وانزل بالقهوه والشاي عند اهل (طليقي)لاني الحمد لله ربي عتقني وطلعت بسلام وانفصلت . المهم الحال هذا استمر سنتين ورغم انه كان عندهم حريم عيال غيري 2 الى اني صرت التوب وبدون مبالغه صرت طباخه من الطراز الاول وصرت اطبخ اشكال وانواع وصدقيني لو قلت مافيه طبخه اطبخها الا يرسلون عيالهم باوراق يطلبون الطريقه والمقادير ومو كذا بس كمان صرت فنانه في صف السفره وعمل الديكورات عليها وع بعض الطبخات والى الان طليقي يعترف اني طباخه من الطراز الاول ومافيه مني في كثير امور ..لكن هالشي ما منع المشاكل والانفصال .. وفي المقابل اعرف وحده كانت تسال امها وش طريقة الشوربه الشوفان سمعتها مره في عزيمه تقول فلان مشتهي شوربه وابي اسويها له بكره غداء قلت في نفسي سبحان الله فرق بيني وبينها انا كنت اطبخ اقل شي 5 اصناف ع الغداء لزوجي طبعا او طليقي ما بين شوربه وسلطه وطبق رئيسي وحلا وهي الغداء كله شوربه لا وتسال بعد عن الطريقه انا انفصلت وهي ماشاء الله تبارك الله اللهم لاحسد كل سنه في دوله والى يومك ما تعرف تطبخ الا ع خفيف وعندها الان 3 بنات ..
الرزق عند رب العالمين وله حكمه في توزيعه لا على زين ولا شين ولا سنعه ولا غيره وبالعكس البنت الميته الي حطني تلقاني .. في كل شي حظها يمشي مشي الصاروخ والبنت الي ماشاء الله عليها كامله والكامل وجهه الله حظها يتهاوى على عكازين ولكن تبقى حكمة رب العالمين والله سبحانه ما ينسى عباده ولو اطلع ابن ادم على علم الغيب لاختار ماهو فيه وتاخير زواجك الى الان فيه حكمه من رب العالمين وكثير بنات تزوجت صغيره وخذت واحد سيئ ولا يسوى وخل حياتها نكد وهم تشوفينها تقولين عمرها اكبر بكثيررر من العمر الحقيقي لها ..وبنات تزوجت فوق الثلاثين واعرف اكثر من وحده تزوجت متاخر والناس ماقصرو فيها والحش والكلام الي لا يودي ولا يجيب وربك فوق وعلى قول المثل الشعبي(الحكي رفاع) خذت شخص ماكانت تحلم انها تاخذه ومبسوطه ومرتاحه .. والي كان يتكلم عليها وعلى تاخر زواجها الان صار يقول والله تستاهل هذا المناسب لها .
اسال الله ان يرزقني واياك وبنات المسلمين بمن يخافه ويتقيه ويعوض صبرنا خير
واكثري الاستغفار نصيحه مجربه فله ابلغ الاثر ولا تنسي دعاء الليل

سهام الليل لا تخطى ولكـــن ..... له امد وللامد انقضاء

اعذرني ع الاطاله ولكن لعلي بكلماتي البسيطه استطعت ولو بالشي القليل ان اسليك واخفف عنك