الهنا

بيانات اضافيه [ + ]

رقم العضوية : 9625  تاريخ التسجيل :  08 2005  أخر زيارة : 20-05-2007 (02:05 PM)  المشاركات : 3 [ + ]  التقييم :  10

لوني المفضل : Cadetblue

مجرد فضفضه

السلام عليكم ورحمة الله وبركاته


ما في احد في هالدنيا مرتاح هذا دايما اسمعه من وايد ناس لكن ابدا ما حسيته

دايما اقول اني سعيده وبالي مرتاح وان حسيت بيوم بحزن او ألم احاوب استمتع به

والقى لي حل بدون ما اشكي او اتذمر ، قصتي بدت من اربع سنين مع شاب عراقي

بداية كنت حريصه كل الحرص اني ما احبه لكن ما اعرف كيف صار وحبيته شي كان غصب عني خارج عن ارادتي وسيطرتي.


كان خوفي من الفروقات الي بينا وهي اني اماراتيه وهو عراقي واستحاله يصير زواج

وثاني شي كبير وايد بالسن الفرق حوالي 15 سنه ، كبرت على ايده علمني فهمني وسع تفكيري، ولأنه مثقف حاولت اثقف نفسي في مجاله اولا وكل المجالات عشان ما يلجأ لغيري بمستواه العمري والثقافي ، والحمدالله وصلت لشيء بسيط .


كانت علاقتنا ماشيه لين ما وقفت على مشكله وهي فيني وهي الغيره

مالي بالعاده اغار لكن ما حسيت بالأمان حوله بنات وش كثرهن جميلات ، مثقفات ، فنانات. بإهتمامه بهن حسيت بالنقص وحاولت اخليه لي وبس لكن بدل ما يحس فيني
ويفهم انه على خطأ بدا يعصب عليه ويصرخ بوجهي وبدا يعاملني معامله سيئه بس لأني أغار.

مرت ايام وايام وايام لحد ما تعودت عليه اقصد على البنات اللي حوله وبديت ما احسسه بغيرتي واكتم غضبي عليه وسؤ معاملته لي .

صرت على كيفه ولعبه بيديه بكلمه نزلني وبكلمه رفعني وانا دايما اقوله لبيه كل شي احاول احققه له بس اهم شي ما اخليه محتاج او يحس بالنقص ويلجأ لغيري.


معادله صعبه وما لها حل انا اعطي وهو ياخذ بلا عطاء وما يهتم لي الا نادرا انا على غلط لأني دلعته وخليته الملك . هذا كلام صديقه واخوه ويمكن كلامهم صح

على كل شي سويته له هو ما زال متعدد العلاقات كل يوم مع وحده يحب يجمع حوله البنات، من ايام اعترف لي انه يلعب على مره بأنه يحبها لأجل مصلحه خاصه

ومن عصبت عليه وحاولت اتفاهم بدا هو يعصب ويعاقبني كأني انا اخطأت

ما يبغيني اتدخل بأي تصرفاته دايما يقول ( انا احبج وانت تحبيني وهذا اهم شي) بمعنى ما اتدخل بأموره الخاصه ومغامراته دايما يعاقبني لو تدخلت.

والشي العجيب انه من يحس انه على خطا هو يعصب ويحسسني اني ازعجته وغلطت بحقه، ومن اتكلم وياه بأي موضوع يقول " انا ما اكذب" مع اني ما اكذبه نهائيا

وبهالحاله يخليني اشك بأنه غير صادق في امور وايد، واصعب شي من اقوله ( اني احس بشي يصير من دون علمي) يقول ( لا هذا مجرد احساس)

حتى خلاني ما اصدق احساسي الى ان اعترف لي بأن كل شي احسه صح بس هو يخاف مني اذا اعترف لي او وافقني بشي من احساسي او شكوكي، ليخسرني.

اعترف لي بوايد اشياء مزعجه تزعج كل بنت مرتبطه بس سايرته ومشيت الأمور وكأنها ما صارت. وحاولت اركز في الجوانب الإيجابيه في العلاقه ، احترامه لي وخوفه عليه يخليني استمر واسكت وما اشكي له منه.


المشكله الرئيسيه اني ما اعرف لو كنت على صح او على خطأ بهذا السكوت

ولو تكلمت اخاف اخسره او اخاف اظلمه ما زلت لحد هذي اللحظه اعطيه مبررات وامشي وراه وانا مغمضه عيوني.



كانت هذي مجرد فضفضه



سلام

المصدر: نفساني