نفساني - عرض مشاركة واحدة

22-05-2007, 02:47 AM

السلام عليكم ورحمة الله وبركاته:
الف الحمد لله على السلامه اختي نادره وان شاء الله ماتشوفين الا الخير بدربك والله طبعا حاسه بلي فيك واسئل الله العلي القدير ان يجعل جميع مانعانيه تكفير لخطايانا ان شاء الله طبعا حدة الحاله وشدتها تختلف من شخص لاخر على حسب الظروف اللي يمر فيها ومدى ارتياحه النفسي والجسدي بس احيانا تنكسر القاعده ويصير العكس وشلون؟
انا اقول يعني مثلا والله رايحه لمناسبه مهمه او في اجتماع عائلي ومبسوطه على الاخر تجيك فجأه النوبه ليش؟
انا من واقع تجربتي المريره ولله الحمد على كل حال ان تغيرات بالجسم وخصوصا تغيرات بيولوجيه بالمخ ولا وش جاب لك الاعراض وانت بامان الله ماتفكرين بشي
ثانيا/احنا نزيد الهم همين نبدا نفكر بالامور السيئه وبيصير لي كذا وكذا وتبدأ الحاله باالاستفحال طبعا انا اقول لك هالكلام ولغيرك انا هاليومين طبعا الحمد لله ماشي الحال مع ان في توتر هاليومين بسيط بس خلاص تأقلمت مع الوضع بس ابنصحك عدة نصايح وان طبقتيها ان شاء الله ماتندمين:
اولا/كل ليله صلي لو ركعتين وبعدين ادعي دعاء الحاجه وادعيه المكروب وكل مابالك ادعي به ولاتخلين بنفسك شي وانت طبعا واثقه برب العالمين
ثانيا/والاهم اكثثثثثثثثثثثثثثثثري من الاستغفار والله بتشوفين العجب
ثالثا/خلي عندك همه وعزيمه انك بتشفين سواء قريب ام بعيد لان الله ماانزل داء الا انزل له دواء وبعدين ان طولتي ماتدرين وش الحكمه في ذلك
رابعا/طبقي ها النقطه بالحرف الواحد ان جتك النوبه قولي انا كم مره جتني النوبه وماصار شي بتقولين هالمره غير يمكن يصير لي شي قولي لا ان شاء مايصير شي ولاتفكرين بالافكار السيئه ترى والله العظيم ان التفكيرالايجابي هو نصف العلاج اسأليني انا وش كان يصيرلي وانا اتخيل اني الحين بأموت وافكر بزوجي وعيالي وووووووووو تبدأ الحاله بالتدهور الى الحضيض حاولي ان جاك تفكير سىء انك تبتعدين عنه ولو غصب عنك اذا كنت تبغين الشفاء وهذا من واقع تجربتي انا
خامسا/التحكم بالتنفس وهذا له دور كبير باذن الله في التحكم بالحاله
وان شاء الله اكون فدتك وفدت الموجودين وعسى الله ان يمن علي وعليك وعلى باقي اخوتي واخواتي بالشفاء العاجل امين يارب العالمين
وعلى فكره ليش قلت مشاركة الاخوه والاخوات مانشوف الا مشاركه واحده كل يومين ليش كذا ودمتم بسلام