نفساني - عرض مشاركة واحدة - محبطة جدا ممكن ألاقي هنا دعم معنوي لأني والله مليت وميته قهر وجالسة أبكي

29-05-2007, 12:08 AM

مرحبا اختي زبنقه السفح

اهنيك على حماسك واصرارك

اشكرك من كل قلبي على رحابه صدرك والروح الرياضيه

اللي تتمتعين فيها بتقبلك الوضع الحالي

خاصه انك لجاءت الى الله ثم الينا

انا من قبلك عانيت وتعبت من جد

بس الشكوى على الله

حاولت بقدر الاستطاعه لكن بدون اي شيء

من ثلاث سنوات وانا على هالحال واول المعاناة اللي انا اعاني منها ان الدوام رافضين اني اخذ تفرغ كامل او جزئي لان دوامي في الاحساء

لدرجه اني قدمت قبل شهر بالضبط في احدى الجامعات ماجستير ورفضوا ولم يقبلوني مع ان معدلي قوي وغير الشهادات والخبره والدورات

مع اني دارس البكالوريوس في نفس الجامعه اللي مقدم عليها الماجستير واغلب الدكاتره يعرفوني زين زين ومدرسيني في كذا ماده وكنت متوقع مليون في الميه انهم يوافقون علي بس للاسف ماصار اللي على بالي واخذوا ناس اقل مستوى مني في كذا شيء

الله يوفقهم

وان شاء الله السنه الجايه الوعد في نفس الجامعه هذا من ناحيه الجامعه نفسها

غير الكليات الاخرى اللي قدمت عليها ولا حصل اي شيء منهم

وغير البعثات اللي قدمت عليها ولا ردوا لي اي خبر مع اني ناحج في الاختبار والمقابله الشخصيه لكن الشكوى على الله اختي زنبفه السفح مو انت وحدك اللي تعانيني من الشيء هذا ناس كثير مثلك وانا واحد منهم نعاني ونلجا الى الله في كل شيء
مع ان الواسطه لعبه دورها في الشيء هذا بس مالله اراد لي ممكن يكون الشيء هذا خير لي خاصه ان زواجي خلال الشهر القادم بدايه الاجازه وممكن تاخير الماجستير فال خير لي

الله يسهل ويوفق فاللهم امين

لعل وعسى ان يفرج الله همنا وكربتنا ويزيل محنتنا والامنا ويسهل امرنا

اللهم امين

علشان كذا انا صرت اخذ الامور بفكاهه وبوسعة صدر وفرفشه في اغلب الامور وهذا يوضح علي في هذا المنتدى

تشكرات لك اختي زنبقه السفح ويعطيك الف مليون عافيه

الله يفرج همك ويسهل امرك وانا معك والجميع

اخوك ومحبك في الله راشد السيكولوجي