نفساني - عرض مشاركة واحدة

29-05-2007, 12:12 PM

انابشوف ان المفروض والاساس ان يكون الاصدقاء من نفسي النوع الصبيان مع بعض والبنات مع بعض لكن انا يا جماعه الواقع ان مفيش حاجه من اللي مفروض تتم بتم او بتحصل ما المفروض ان المرأه تقعد في البيت وما تشتغلش والبني ادم اللي هي متجوزاه يصرف عليها لكن دا مش بيحصل بسبب الظروف المعيشية السيئه والمفروض ان نسبة الطلاق ماتبقاش بالشكل ونسبة العوانس ماتبقاش بالشكل دا والمفروض كمان ان الصبيان ما يكونوش بالاخلاق اللي بنشوفها دي المفروض التلفزيونات ما تعرضش اللي بيتعرض والي بنسمعه ما يبقاش زي ما هو دلوقتي
احنا عايشين في عالم بيحتم عليا كبنت اني انزل الدراسه وانزل الشغل وانزل الشارع واتاخر احيانا بما اني هاكون صحفية باذن الله يبقي لازم اكون علي درايه بالجنس الاخر انا متمسكه جدا بالالتزام لا سلام باليد او تهريج زائد عن الحدود لكن المعرفه واجبه والتجارب اساسية والنت ما هو الا وسيلة من تلك الوسائل اخف شوية من الوسيلة التقليدية اللي هي وجها لوجه كلام علي لوحة مفاتيح بيعكس عقل اللي قدامك ويحكيلك وتعرف ازاي بيتاعملوا امتي اللي قدامك بقرر ما يكلمكش تاني وامتي اللي قدامك بيعجبه كلامك الجنس الاخر بيتكلم ازاي وبيتكلم في ايه مخه عامل ازاي طبعا كل دا مع التمسك بعدم الكلام في موضوعات خارجه او التلميح باي حب فقط تعرف وتبادل معلومات انا عن نفسي لي اصدقاء اولاد من العراق ومن سوريا ومن لبنان ومن كل البلاد العربيه تعرفت علي الثقافات في تلك البلاد وتعلمت ان الانسان لابد ان يكون محترم في كلامه وان يستاذن قبل اي سؤال وان التعامل مع الجنس الاخر لابد في الحياه الواقعية ان يكون بالكاد لانهم معظمهم يعتبر اي سلام حب واي ذوق في الكلام حب واي شكرانية او مدح غزل لذلك تعلمت ان الجنس الاخر تجده حين تبتعد عنه وتفقده حين تقترب منه تعلمت ان الكلام كثير وان معظمهم نفس الاسلوب ومعظمهم نفس الغرض نمرة الموبايل ثم يقابل ثم الله اعلم لاني لم اقابل ولد من النت من قبل اقصد انه تعلم دون خسائر طالما وضع الانسان في عقله نصاب عينه رضا الله مرلاعاته ومراعاه الاهل في البيت فيما عدا ذلك اعتقد من المفيد ان تكون هناك صداقات في عالم اتسع حتي ضاق