|
الجنية تود السلام00هل من قبول0
الجن والشوي (( قصة حقيقية ))..&
السلام عليكم ورحمة الله وبركاته
هالقصة الي بقولها لكم والله انها حقيقيه … وحصلت لي انا ( أبو برغش وليس أنا ) عام 1418هـ يوم كنت في اول ثانوي …
كنت قاعد انا والشباب نشوي في حوش بيتنا … المهم شبيت الفحم .. وحطيته قدام المروحه اليين صار جمر … جبت اللحم علشان اشويه يوم توني ابشويه انا والشباب يوم قامت السما ترعد وتبرق .. شوي الا والمطر ينزل وكل ماله ويقوى …
وكان مافي البيت الا انا الاهل رايحين مهوب جايين الا بعد يومين …
ودخلنا انا والشباب نكمل شوينا داخل البيت … بيني وبيكم يوم دخلنا ماعاد قمنا نشوف بعض من الدخنه الي ملت البيت … شغلنا المراوح والهوايات وماخف الدخان وانتهينا من الشوي وتعشينا وانتهت ذيك الليله على خير ونمت …
يوم جت الساعه ست الصبح قمت على صوت الوالده وهي فوق راسي تسمي علي وتقرا علي …
قلت لها يمه وش الي جابكم هماكم منتوب جايين الا بعد يومين …
قالت جتني البارح في الليل حرمه وانا نايمه ووقضتني يا ام عبدالرحمن يا ام عبدالرحمن …
يوم قمت سلمت علي وقالت مافيه الا سلامتس … اسمعي يا ام عبدالرحمن انا جنيه واسمي ام خالد … وترى ولدتس ماخلانا ننام اشرقنا بالدخان والله ان ابوخالد طايح علينا ماقوى يتنفس … وانا والله عارفة انكم اجاويد وماتدورون الشر .. والله يا ام عبدالرحمن لوه ولد غيرتس ان معاد تشوفينه ولا تهنين به … وهالمره علشانتس انت والمره الثانيه يصير علم ثاني …
وتقول الوالده ماصدقت عقب ها الكلام اني ابشوفك…
منقوووووووول &&&
|