بنت الخير

بيانات اضافيه [ + ]

رقم العضوية : 18473  تاريخ التسجيل :  09 2006  أخر زيارة : 27-01-2009 (03:03 AM)  المشاركات : 10 [ + ]  التقييم :  10

لوني المفضل : Cadetblue

مشكله ويارب القى لها حل ....

السلام عليكم ورحمة الله وبركاته

ياليت أحد يحل لي مشكـلتي وكلي أمل فيكم ....

مشكلتي لمـا تخرجت من صف ثاني ثانوي
وإنتقالي لمرحلة ثالث ثانوي ,
انا كنت بنت شـاطره جدا بس لما صار لي هالشي , مستواي انخفض بشكل مو طبيعي

في يوم الجمعه ليلة المدرسه و تحديدا في الليل عند الساعه 10 تقريبا
جاني اتصال على جوالي برقم غريب

وانا طبعا رديت وقال لي بالحرف الواحد : انتي يا (.......) منو تكلمين من الشباب ..

انا على طول قمت اصيح وقلت له : انت شقاعد تخربط وتقول , ومنو هذا اللي اكلمه .؟!!

قال لي : انا جايب رقمك من واحد
قلت له : منو هذا ..!!
وانا مستغربه
قال لي : جبت رقمك من اللي تكلمينه ..!!

انا سكرت السماعه بوجهه
بعدين اتصل علي وقال مافي داعي يا (.....) تسكرين السماعه بوجهي
ولما حلفت له اني ماأكلم احد
قال :انا راح استفسر واشوف إذا كلامك صحيح وانك صحيح ماتكلمين احد
لأنه لو ثبت لي العكس راح اعلم اهلك

جلست احلف له وانا ابكي بقوه حتى اتذكر بذاك اليوم ان لما كنت اصيح دمو عي جفت

احس اني جالسه اصيح بدون دموع

وبعدين قال لي بالحرف الواحد : روحي نامي يا (.........) لأنه بكره وراك مدرسه وانتي بثالث ولازم تجتهدين عشان تجيبين نسبه حلووة ..!!!


تخيلوا بعد كل اللي قاله لي يقول روحي نامي بكره وراك مدرسه ويقول بعد جيبي نسبه حلووة

بعد هالكلام ماأعتقد اني بنجح هالسنه

للمعلوميه انا قبل كانت نسبتي ماتنزل عن 90
بس الفصل الأول لهذي السنه نسبتي كانت 75
بالله العظيم هذا نسبه بنت شاطره كانوا يكرمونها المعلمات عند في الطابــور الصباحي وعند كل نشاط مدرسي

انا الحين داخله على اختبارات نهائيه واسئلة وزاره
وكتابي ماأحب أفتح لأني لو فتحته راح اتذكر ذيك الليله وراح اتذكر الاتصال
اللي هدم حياتي وانا ماتجاوزت 18 سنه

اللي قاهرني انه يتهمني (بشرفي) ......

وهذا الشي الوحيد اللي مافي بنت ترضاه نفسه وخصوصا إذا هالبنت كانت من عيله معروفه

واكيد بتقولون ليش ماقلتي لأهلك ..؟؟؟

انا راح اجاوبكم واقول لكم اني انا بطبعي كتومه جدا
وماأحب احد يعرف عن هالسالفه شي وخصوصا أهلي لأنهم اغلى شي عندي بالوجود
ولو صار لهم اي شي بسببي انا ماراح اسامح نفسي ابدا


الله يخليكم أبغى حل لمشكلتي
لأني داخله هالمنتدى وكلي أمل أني أشوف احد يحل مشكلتي

المصدر: نفساني