نفساني - عرض مشاركة واحدة - قصه طريفه عن خوف الزوجه من زواج زوجها عليها

25-06-2007, 02:39 AM

قصه طريفه عن خوف الزوجه من زواج زوجها عليها

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت.
قالن مبروك يامديرة ولكن منهو زوجك ؟.
قالت لهن بصراحة زوجي هو زوج إحداكن.
المدرسات تكفين علميننا أي وحدة منا ؟
قالت المديرة والله ما أعلمكم .
المهم لزموا عليها فقالت لهم أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .
وافقن المدرسات على الطريقة.
ويوم جاء بكرا وكل وحدة مجهزه معها الفلوس جت الأوله والثانية والثالثة والرابعة حتى العاشرة والمديرة تاخذ المبلغ من كل وحده .
يوم جت المدرسة الخامسه وبدت المديره تأفف المهم حطت الفلوس على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت اخذت المدرسه نفس عميق وقالت الحمد لله يعني بتاخذين الفلوس المهم اخذتها المديرة .
ودخلو بقية المدرسات ........ والمديرة تلعب باعصاب كل وحده وفي النهاية تاخذ الخمسمية .
المهم بقي مدرسة وحدة فقط ماجت يوم اتصلوا عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟
قالوا لين الحين مابين شي والمديرة عيت تاخذ الفلوس لين نحضر كل المدرسات ( يلعبون عليها بس يبونها تجي عشان يتطمنون إنها هي لأنه مابقى إلا هي ) وقالوا المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدو يسمون على المدرسة عشان ماتنصدم .
دخلت المدرسة الأخيرة غرفة المديرة وحطوا باقي المدرسات ايديهم على قلوبهم وحطت المدرسة الخمسمية على الطاولة وضفتها المديرة >> يعني خذتها<<.
يوم طلعت حصلوها عاديه ومهي متأثره وماصار شي وفلوسها أخذتها المديرة .
قالوا يابنات فيه وحده منكم ماخذت المديرة فلوسها..؟؟!!!
قالو لا والله كلنا اخذت منا الخمس ميه .....
ودخلوا المدرسات على المديرة وقالوا اخذتي الفلوس من كل المدرسات تلعبين علينا منهو زوجك ؟
قالت المديرة المهم الفلوس والمبلغ وقدره (.......) ماراح يرجع وأنا والله لا تزوجت ولا شي لين الحين أنسه ووالله كنت مريضة هاليومين . ولكني اطلبككم قبل شهر تدفعون على مية ريال نصلح المصلى ولا وحدة منكم دفعت قلت والله لأدفعكم حق تصليح المصلى ونشتري مصاحف بعد وقف للمسجد .
قالوا المدرسات بردها الله بالعافيه فداك الدراهم ولو تبين زياده عطيناك هو صدق بس رجالنا ماتزوجوا علينا... ههههههههه

المصدر: نفساني