To be or not to be

بيانات اضافيه [ + ]

رقم العضوية : 19947  تاريخ التسجيل :  05 2007  أخر زيارة : 15-08-2008 (10:39 PM)  المشاركات : 91 [ + ]  التقييم :  10

لوني المفضل : Cadetblue

يسلمووو أبله نور ع الدرس المفيد
أنا عندي سالفه صارت لي لما دخلت المدرسه بخصوص الأملاء بقولها بعد أذنك طبعا
للفائده وللكركره بس لاتكثرون ضحك عليّ ...


هذا ياطولين العمر لما دخلت المدرسه طبعا كنت رااااافضتها ومابي أدرس المووهم دخلت المدرسه غصب عني وزواده على ذا كان عمري خمس سنوات يعني ياقلبي يا انا صعينوونه دوبني بدري ع الهم والشقا
كنت بااايعتها بالمدرسه وداجه ما أذاكر بس هاايته بالشوارع ومن اجي لما انام وانا داجه مع عيال الحي نلعب ونتكافخ و و و ألخ
مره من المرات كان عندنا اختبار املاء وامي ياقلبي تموت تعب وهي تحاول فيني ادرس وان طناااش كنت عنيده وما اسمع الكلام عاد انا وقتها كنت بمدارس الأبناء والمدرسات هناك ماعندهم يمه ارحميني( الله يذكرهم بالخير ياارب) وامي كانت دايما تاخذ الام المثاليه مع خواتي الاربعه اللي انا اصغرهم هههه جيت وخربتها على اخرتها <ماقصدها شي بس كان هدفها الوحيد هو انها تبعد العين عن عيلتها الدااافوره الله لايبلاكم
المهم يوم اختبار الاملاء رحت وانا مدري شالسالفه اختبرت وما كنت اصلا اعرف اقرا عشان اكتب هههه صححت الابله الاوراق وعطتني اياها عشان يوقع عليها ولي الامر وانا وبكل ثقه لما رحت للبيت اشوى ان ابوي كان بالدوام وماجى لسى<مصدقه حالها بتعطي ابوها ورقة الامتحان ... يلعن ام الثقه العميا ياناس
طبعا مدري كم الدرجه انا للامانه كنت اعرف الارقام واقراها واعرف اكتب اسمي بالانقلش بس من الدفاره كنت اكتبه بالمقلوب يعني باتجاه العربي
المهم انا فرحانه احسبني جايبه شيء يعني كلام بعدين تحته الدرجه كانت الدرجه من 3 اكيد تذكرون مربع الدرجه اللي تسويه الابله فيدها وتقسمه فوق الدرجه اللي اخذتها وتحت درجة الامتحان النهائيه
ادري طولت بس لازم اقول السالفه عدل
المهم رحت ادور على ابوي ومخبيه الورقه وين بابا<ايام الدلع خخخخ
قالت امي ليش المهم دار نقاش بالنهايه حاولت امي تشوف الورقه عشان تعطيني هديه اكبر من هدية ابوي
ترن
ترن
نرن
امي مسكت الورقه وتشهق
هههه
وبعد الشهقه امول وش ذا صفر من ثلاثه صفر ياكسلانه
ههههه ياربي كل ما اتذكر الموقف ارحم امي ياويسي عقب الام المثاليه بنتها تجيب صفر لا وبالاملاء الله يخلف تعبك ياقلبي
طبعا امي تداركت الامر وجلست تخوفني ياويلك من ابوك وياويلك من الابلات بكره يهاوشونك بمجلس الامهات و و و طبعا من وسائل التخويف وترى ان قلت لابوك بيحبسك وماتطلعين تلعبين خلي السالفه سر بينا وانا اكلم المدرسه بكره واقول لهم انك خلاص بتصيرين شاطره وتدرسين زين ماحد يعرف....
وانا من يومها قلبت 180 درجه وامي ليل نهار وهي تنقلني كلمات اكتبها لين انعدل حالي وأتأدبت وصرت طالبه سنعه ...
واهم شيء صرت احووووب الاملاء بس ماتحكميش على كتابتي بالنت خربوطيات يعني بسرعه بسرعه ....

ودمتي بود