نفساني - عرض مشاركة واحدة

26-07-2007, 02:42 AM

اخي الفاضل شكرا لتعليقك وشكرا لدرك

ولكن انا لم أستخدم كلام بزيء زي ما انت قولت
لان الموضوع مش مطروح علشان يكون ده الهدف منه اننا نتحاسب علي الكلمه او معناها لان بكل بساطه الموضوع مطروح علي اساس الصراحه والهدف منه اساسا مش مجرد رأي كل واحد بيقوله وخلاص رأيي مع رايك مع أرئنا جميعا فيه فكره بتتغير وبتكون أكثر وضوح وفيه شيء بيتغير في نفوسنا ممكن يتبدل من الغلط للصح كلامي وكلام غيري ممكن يكون بالنسبه ليك مش جديد بس ممكن يكون بالنسبه لغيرك راي جديد وفكر جديد واستفاده جديده
وان كان كلامي واضح وجرئ زي ما انت بتقول او مش عفيف بمعني اصح زي ماانت وصفت وان كنت مستغربه للوصف ده لاني ومع أحترامي الكامل لك ولرأيك ده مش درس تاريخ او جغرفيا

انا اسفه ان كان البعض حس من كلامي عدم العفه او الحياء

انا اتكلمت بمنتهي الصدق والامانه ووضحت رايي من ناحية الرجل ومن ناحية البنت بدون انحيراز او اعتراض علي بعض السلبيات في مجتمعنا ولكني وضحت بعض النقاط الي ممكن تفيد البنت وتفيد الرجل

ويا سيدي الفاضل انا مش واحده عيله او بقول الكلام ده وخلاص انا وان كان سني مش كبير ولكني زوجه تخاف علي بناتها وت واولادها و ومرتبطه بصوره جنونيه ببيتها وبجوزها
واعتبر كل شاب وفتاه مسلمين هم جزء لا يتجزأ مني

وان طولت اقدم كل ما يمكن تقديمه من نصح وكلام في طبق من دهب والله لن اتاخر لحظه واحده

وانا متقبله ردك وملاحظاتك ولكن يعلم ربي اني مااردت غير افيد اكتر مما استفيد

وجزاكم الله خيرا واسفه لكم جميعا مره اخري