نفساني - عرض مشاركة واحدة

14-08-2007, 02:33 PM

أهلا بكم اخواني جميعا .

وبالنسبة لك يا اخي العزيز ( a نقرتين لعرض الصورة في صفحة مستقلة

1112 ) ابدا ليه الزعل بالعكس مابين الاخوان زعل حتى لو تانبني وتجرح اعرف ان القصد هو مصلحتي وماراح ازعل منك باذن الله وفعلا وبدون اي مجاملة اني انتبهت لما قراءت رسالتك ونصيحتك الصغيرونة ( الكبيرة في نظري ) اني فعلا لمت نفسي وقلت وش انا مفكر انها انفلونزا ولا فيتامين سي . بس انا كنت كل ما اخذ العلاج اتذكر الى كان مكتوب في العلاج ان مافي اي اثار جانبية للعلاج الا شي واحد فقط وهو توسع الكبد . وكان هذا همي الاكبر واقول هل هي مدة شهر وينتهي العلاج( حسب طلب الدكتور مدة شهر فقط ثم اراجعه ) او اني استمر مدى العمر . طبعا هذا كله قبل ما ادخل المنتدى لاني توقعت ان حياتي خلاص ( اذا وقعت الواقعة ليس لوقعتها دافعه ) وتوقعت ان ( هلك عني سلطانية ياليتها كانت القاضية ) حسيت ان الحياه انتهت بالنسبة لي والمساله وقت قبل ما اعرف ان عندي حتى هلع او شي معروف توقعت انها ساعه الصفر في ظلمة الليل وحيد تحت النجوم على خط سفر مقطعه ساعات وامي كانت تقول لاتسافر لوحدك لاتسافر لوحدك لاتسافر لوحدك المسافر شيطان والمسافران شيطانان والثلاثه ركب . وكنت اقول لها وش بيحصل يعني جن وعفاريت بيطلعون لي والله ان رايت احد منهم لاقول مثل ماقال النبي سليمان مالي لا ارى الهدهد ويتوعدة بالعذاب الشديد القاسي . والسبب في هلعي وبدايته معي هي محاضرة عن الموت وسوء الخاتمة وجهنم ماكنت اعرف ان عندي اهل الا هذيك اللحظة وانا ابكي دعيت ان الله يرجعني لاهلي توقعت ان ثواني بس واشوف ملك الموت وانا الى كنت ادخل البيت واطلع ولا اشوف احد . ومع هذا كنت ولله الحمد مومن ان الله اراد بنا خير لكن مهما كنت فانا واحد من البشر ( خلق الانسان هلوعا اذا مسه الشر جزوع الا المصلين ) بس طبعا لما دخلت ولقيت ان الامر عادي جدا وكثير من اخواني هنا حصل لهم هذا الشي الحمد لله حسيت فعلا اني وقتها كنت مكبر الموضوع وتعرفون يا اخوان مدى ضعفنا وتعلقنا بالحياة ولا ازيدكم من الشعر بيت رجعت اتبختر في الشوارع ولا كان شي حصل طالع مثل الافندي على قولتهم ولا كاني الى كنت ابكي لما فاضت روحي وبديت احس بانفاسي الاخيرة . ( قتل الانسان ما اكفرة ) . لكن الحمد لله لما شفت الكل هنا يكتب من مدة طويله وما في احد مات شوي شوي مع الدعاء والرقيه وقراءة سورة البقرة والعلاج الي وصفه الدكتور وقال لي باذن الله شهر واعالجك يقصد بعد الادويه لما نبدا جلسات العلاج السلوكي يعني شهرين كلها . حسيت بالراحه وبداءت اذكر نفسي بان الشيطان يخوف اولياءة واعيب على نفسي واسب نفسي احيانا واقول لنفسي هل انت من اولياء الشيطان تصدقه ويخوفك .. لاتخاف ماراح تموت تذكر كل من كتب في المتندى فلان وفلان اسواء منك حاله وماشاءالله ما احد تاثر وبتعيش إلى اليوم الى كتبه الله واعتبر نوبات الهلع الى حصلت لك تدريب لك على الموت الحقيقي حتى ماتخاف وقت الصدق وساعه الصفر ويضحك عليك الشيطان وان شاءالله بتنجب اولاد وطاردهم في الشوارع وفي المدارس وبتطلع تاكل مشويات في الليالي في المطاعم وتمسك الجريدة وتسوي نفسك المحلل الفذ . واطمن نفسي بأن الموت شي عادي لاني اليوم ما احب اني اموت لكن لما انولد الانسان كان يبكي ويتمنى لو يجلس في بطن امه . واليوم ما احد فينا يحب انه يرجع لبطن امه . وهكذا نبكي على الحياة ونخاف نطلع منها لكن اول مانطلع واذا كتب لنا الله الفلاح ان شاءالله في القبر خلاص مافينا احد يفكر يرجع للحياة حتى لو كان له فرصه والحمد لله إننا من امة محمد صلى الله عليه وسلم . وكنت اذكر نفسي باني اخاف لاني ارجف . ما ارجف لاني اخاف وهذا ماذكرته الدكتورة اسماء في كتابها . وهذا انا اليوم عشت في البيت اسبوع لوحدي كنت اول خاف فعلا اسكر باب البيت او الحمام لكن انتهى كل هذا من رب العالمين وانا بالعكس متشوق اني اسمع راي الدكتور الاخير واني اسافر لوحدي تجربة مرة اخرى حتى اثبت لنفسي اني شفيت تماما . وعلى ايه حال مافي احد من اهلي يعرف بالى حصل لي نهائيا انتو بس في المنتدى والدكتور لهذا لكم معزة عندي لاني احس بشعوركم وطبعا بتقولون ليه مافي احد يعرف . باقول لكم عيب عند العرب وكانو في الجاهليه يقيسون شجاعة الرجل في الصحراء يتكلمون عن الجنس والعفاريت ويشوفون اذا خاف يعني جبان واذا ماخاف يعني شجاع وخاصه اني ماتزوجت لحد الان بس اول ما اتزوج ماعاد يهم دام العروسه الله يوفقها ان شاءالله تدبست فيني . المهم انتو وش اخباركم ؟ علامي انا بديت اكتب لكم قصص حياتي كلها والله ما ادري بس تذكرت شي ان شاءالله انها بشارة لي ولكم لكن الله واعلم اسالو العلماء فيها .

لما اصبت بالهلع قلت لكم كنت مسافر الساعه 3 في الليل . المهم كان المحاضر يقول من لم يخاف من الله في الدنيا سوف يخاف في الاخرة من اهوال يوم القيامة ومن خاف الله في الدنيا امنه الله وامن في الاخرة .

بديت اتكلم بيني وبين نفسي وافكر واقول :
معقوله ان هذا حديث صحيح اول مرة اسمع فيه ! عجيب ! بس سبحان الله يمكن . اخاف انه حديث ضعيف والمحاضر ماهو متمرس في الدين لانه ماهو خريج شريعة اسلامية !
طيب انا اشلون اخاف من الله مع اني احب الله ورسوله لازم يعني ارعب نفسي !
ولا قصد التاويل في الحديث ان كان صحيح ان الانسان يخاف بعقله ويحافظ على دينه !

لا اكيد الحديث هذا مو صحيح وين الثقه في الله ! بس اكيد ماقال المحاضر هذا الحديث من فراغ !

والله اكيد لازم اذا رجعت الرياض اسال العلماء الكبار عن التاويل والتفسير !
مين اسال مين اسال مين اسال وكيف ، ايوة صح اسال المفتي لاني احبه في الله في اذاعه القراءن الكريم . او اسال الشيخ عبدالله المطلق لاني احبه .

سبحان الله كل شي جائز وما اوتيتم من العلم الا قليلا ! كنت افكر لوحدي واسمع للمحاضرة والله ماهي الا احسبها والله اعلم دقائق معدودة يمكن خمس الى عشر بس الا واصابني اكبر موجه خوف في حياتي

عسى تكون نوبه الهلع هذي امن لنا في الاخرة . والله اعلم لا افتي بما ليس لي به علم لكن اسالو اهل العلم .