freska

بيانات اضافيه [ + ]

رقم العضوية : 20962  تاريخ التسجيل :  08 2007  أخر زيارة : 26-10-2008 (09:33 AM)  المشاركات : 3 [ + ]  التقييم :  10

لوني المفضل : Cadetblue

وحيدة ،،،،وحزينة

السلام عليكم ورحمة الله وبركاته

اتمنى ألاقي عندكوا الحل لحالتي لاني فعلاً تعبانه نفسياً ووصلت حالتي للاكتئاب

انا والحمد لله متزوجة من سنتين وعلاقتي بجوزي كويسة والحمد لله ولسه ما جيبناش أطفال بس الموضوع ده بنعالجه دلوقتي وكله على الله

المهم أنا حاسة بوحده فظيعة لان جوزي مواعيد شغله الصبح وبليل ومش بشوفه غير ساعة واحده في العصر وبعدين مش بشوفه تاني لتاني يوم وانا عندي شغل لغاية العصر وبعدين بعد ما ينزل هوه شغله بعد ما ييجي يتغدى انا بفضل قاعده لوحدي وساعات كتير بنام من الساعة 6المغرب للساعة 6 الصبح تاني يوم عشان ما حسش بالوحده وكل ما أقوله انا لوحدي يقولي شغلي وانا فعلا مش عارفه اعمل ايه لدرجه انه لما بييجي بالليل انا بكون خلاص نفسيا مش عاوزة اتكلم معاه لانه سايبني لوحدي واحنا في الغربة مش في بلدنا

وانا مش عارفه اعمل ايه وحاسه اني مش لاقيه اي حاجه اعملها اضيع بها وقتي الكتير اللي بقعده لوحده

فانصحوني جزاكم الله خير اعمل ايه في وقتي او اتصرف ازاي لان ده اثر على علاقتي بيه وبقيت على طول مكتئبة ومضايقة ومش حاسه بطعم الحياة وهوه على فكرة عنده يوم واحد أجازة في الأسبوع وساعات كتير بينزل فيه الشغل

وجزاكم الله كل خير.

المصدر: نفساني