|
الخجل والجرئه والحب والكره تناقض كبير فى حياتى
انا كتبت مشكلتى قبل كده ومحدش رد عليا
انا مشكلتى مش مشكلة واحده دى مشاكل كتير
انا بنت عندى 21 سنة طالبة فى جامعه القاهرة
اول مشكلة ليا انى مش عارفه اتعامل مع اى حد حتى زمايلى فى الجامعه مش عارفه اتكلم معاهم الكل بيقول انى معقده بقى عندى لا مبالاه من ناحية المزاكرة لدرجه انى محضرتش امتحاناتى سعات بحس ان خجلى بيخنقنى لدرجه كرهت نفسى لانى مش عارفه اتغلب على الخجل الزايد ده والمشكلة انى ممكن اتغلب على الخجل بس بطريقه جريئه اوى ياعنى ممكن اكون خجوله اوى وفى نفس الوقت جريئه اوى ومش عارفه اكون طبيعية
مش باعرف اتكلم مع اى شاب نهائى ولو اتكلمت مع شباب قرايبنا بيبقى على النت بس
حتى البنات مش باعرف اتكلم معاهم ولو اتكلمت بحس ان لسانى تقيل ومش عارفه اعبر عن الى جوايا
ثانى مشكلة هى انا مش عارفه انا مين
انا البنت الهادية الانطوائية
او البنت الجريئه الشقية الاجتماعية
مش عارفه احدد انا مين فيهم
ثالث مشكلة هى احساسى
انا بحب ابن عمى من زمان اوى من عشر سنين ومحدش يعرف انى بحبه
حصلت زمان بينى وبينه مشكله وهى انه حاول يلمسنى
انا مابقتش اتكلم معاه
انا مش عارفه احساسى بحبه ده صح ولا غلط
انا بيتقدم ليا شباب كتير وبرفضهم لانى عندى يقين انى مش هاكون لحد غيره
مش متخيله انى اكمل من غيره او اكمل مع حد تانى
برغم انى متاكده اننا ماننفعش لبعض بس عندى يقين انى مش هاكمل حياتى الا معاه
او انى مش هارتبط بحد خالص
كتير بحس انى دايما متناقضه وبناقض فى نفسى
عايشه بين لونين بس الابيض والاسود
رابع مشكله وهى انى حاسه بوحده ودايما عندى وسواس انى هاتعب تعب وحش وانى هاموت دايما حسة بحزن كتير بحس انى بمثل وان حياتى كلها تمثيل وان مش هى دى حياتى الطبيعيه
أرجوكم ردوا عليا المرة ديه أو لو مافيش وقت متخصص يرد عليا يطرح موضوعى للاعضاء يقولولى رايهم
انا اسفه جدا على الاطاله
شكرا
|