مسجونة قلبي

بيانات اضافيه [ + ]

رقم العضوية : 16283  تاريخ التسجيل :  06 2006  أخر زيارة : 24-08-2008 (07:41 PM)  المشاركات : 10 [ + ]  التقييم :  10

لوني المفضل : Cadetblue

أرجو المساعدة

السلام عليكم ورحمة الله وبركاته

اشكركم على هاالمنتدى المتميز

وبعد قراتي للمواضيع وشفت إنكم اتعالجون الناس حبيت إني أعرض مشكلتي أو بالأصح مشاكلي اللي مالها أي نهاية

وانا كلي أمل إني ألقى عندكم الحل لمشكلاتي أو لبعضها

أول شي انا أحس دايماً بالاكتئاب والاحباط وأعاني من القلق والتوتر لأتفه الأسباب

وشخصيتي وايد ضعيفه وماأقدر أدافع عن نفسي وفاشله في علاقاتي ويا الناس

انا ماعندي الرهاب الاجتماعي مثل مااتسمونه انا اقدر ايلس وياالناس بس ماعندي التواصل وياهم

وبالي دايماً مشغول وافكر واااايد واسرح ومرات يوم أكون يالسه وياصديقاتي اسمعهم بس ماارمس يقولولي إنتي اشفيج ماترمسين ليش كله ساكته مع إنه مايكون فيني شي بس ماتكون عندي سوالف أو كلام ابا اقوله وانا ابا اغير هاي العاده

انا قبل كمن سنه ماكنت جذيه كنت أحب اسولف واضحك واكون صداقات مرات اقول يمكن من المشاكل اللي مريت فيها أو من البيئه هي اللي غيرتني أو إنه الناس هم اللي تغيروا والله مااعرف انا وايد متضايجة من نفسي أبا اتغير للاحسن انا عندي وايد طموح وأحلام وهاي المشاكل اتعيقني

أرجو من المختصين الرد على رسالتي لاني في أمس الحاجة لمشورتهم لي

المصدر: نفساني