نفساني - عرض مشاركة واحدة

25-09-2007, 06:54 AM

صباح الفل ياأموره .. ايه اللى جرى !! السيام عامل مايله والا ايه ؟؟ ماحدش

بقى بيحط موضوعات جديده كتير اليومين دول ليه ؟؟ لعل المانع خيرا .....

أما بخصوص موضوعك عن المرأه وقيادتها للسياره فاسمحى لى انا كان نفسى

حد يفتح الموضوع ده من زمان.. أولا هو منعها من القياده بناء على فتوى دينيه

لارجعه فيها ؟؟ ام انه عرف وتقليد وعاده اجتماعيه ؟؟ ام أنه قرار سياسى ؟؟

لو كانت فتوى دينيه طبعا ماليش جرأه على مناقشتها ؛ بس احب اعرفها ...

ولو كان قرار سياسى ؛ برضه ماليش فى السياسه ( خلينا عايشين فى حالنا)

اما ل غير كده ف سامحونى : قرار خاطىء 100 % واليكم رايى :

انا بأفترض انى سايق عربيتى على احد الطرق الطويله ومعى زوجتى . فجأه

جال دوار أو دوخه أو اغماء ؛ كيف تتصرف المسكينه ؟؟ تطلب المساعده من

الرجال الغرباء اللى بيمروا بيها؟؟ والا تسيبنى فى العربيه وتروح لأقرب مركز

اسعاف ( سواء ماشيه أو راكبه مع حد غريب ) والا من باب أولى تكون هى

بعرف تسوق العربيه وتوصلّنى بنفسها للاسعاف ؟؟

فرض تانى : انا برضه عندى عربيه لكن بلغت سن كبيره واصبحت غير قادر

على القياده .. ياترى أستأجر سواق غريب يدهس فى بيتى ليل ونهار ؟؟والا

من باب أولى تكون زوجتى ــ أقرب النا س لى ــ هى اللى بتسوق العربيه ؟؟

فرض تالت : احتاجت الزوجه قضاء بعض الحوائج من السوق .. ايه الاكتر امان

انها تقود سيارتها بنفسها فى الطرقات العامه تحت نظر الكل ؛ والا تركب مع

سائق غريب ــ وهى وبختها ــ وتكون عرضه لطمعه فيها ؟؟؟

انا مو ش هأقارن بين المرأه عندنا والمرأه بره عشان ماحدش يقول ان كل

بلد لها طبعها وعادتها ؛ انا بتكلم عن الامور المشتركه فى الدنيا كلها واللى

كل واحد ممكن يتعرض لها .. ناهيك عن اتاحة المجال للمرأه بالتمتع بقيادة

السياره شأنها شأن الرجل ( ايه يعنى ؟ هى انسان درجه تانيه والا ايه؟! نقرتين لعرض الصورة في صفحة مستقلة

اعذرونى يا جماعه لو كنت خضت فى عادات وتقاليد اجتماعيه ( احترمها طبعا)

بس بانتقدها ؛ واعذرونى على الاخطاء ف الكتابه لانى متحمس للمناقشه وكمان

مستعجل عشان الشغل ....الف شكر ليكى ياأمورة انك اتحتى لى المجال للتعبير

عن رأيى ؛ وأسعد الله صباحك بكل خير ..اسامه