islam_bird

بيانات اضافيه [ + ]

رقم العضوية : 20360  تاريخ التسجيل :  06 2007  أخر زيارة : 13-05-2009 (11:49 PM)  المشاركات : 15 [ + ]  التقييم :  10

لوني المفضل : Cadetblue

أولاً أن أشوف إنك لازم تغيري من أسلوب تفكيرك عن نفسك.

إنت شايفة نفسك إنك ضعيفة قدام الأكل ومش واثقة من نفسك وقدراتك.

لازم تفكري بطريقة ايجابية يستوعبها عقلك الباطن ويترجمها إلى أفعال

يعني لازم تكوني أكثر وثوق بنفسك وتقولي:

أنا قادرة إني أترك الأكل

أنا أكره الأكل الكثير .

أنا أكل عشان أعيش مو أعيش عشان آكل..

وغيرها من الكلمات.

وحاولي تردديها قبل ماتنامي 3مرات لكل جملة

عشان لما تنامي يبقى مخك شغال عليها ويدخلها عقلك الباطن .

وحاولي كمان انك تخصصي لنفسك كل يوم على الأقل 10 دقايق تسترخي

بانك تتنفسي 5 مرات

تاخذي شهيق من أنفك وتحاولي تملي الرئتين كاملة وانت تعدي 1،2،3(يعني 3 ثواني)

بعد كذا تحبسي نفسك(12ثانية) وبعدكذا تخرجي الهوا من فمك (على 6ثواني)

[وهذي هي الطريقة الصحيحة للتنفس اللي قال عنها الدكتور صلاح الراشد]

حاولي مع كل نفس تخرجيه تتخيلي ان الهموم اللي تحسي بيها خرجت معاها

وبعد كذا تتخيلي نفسك وإنت نحيفة ؟ وكيف صار شكل جسمك ؟ وتقنعي نفسك بهذا الشي(أهم حاجة الإقتناع)

_ _ _ _ _ _ _ _ _ _ _ _ _ _ _ _ _

بعد كذا تجي لطريقة أكلك:

بالنسبة لللبن والتمر شي طيب

بس لاتكثري من التمر (يعني 7 تمرات بالكثير ولا تزيدي عليها)

_ _ _ _ _ _ _ _ _ _ _ _ _ _ _ _ _ _

وحاولي إنك تقللي أكل وقت العشا(لأن أكثر السمن سببه الأكل الثير على هذي الوجبة)

وبعد الأكل لاتنامي على طول(حاولي تمشي حتى لو تدوري شوية في البيت أو تعملي أي شغلة ) هذا يقلل شوية من السعرات الحرارية تبع الأكل.


- - - - - - - - - - - - - - - - - - - - - - -- --

وبالنسبة للفطور والغدا تاكلي فيها على راحتك بس ماتزيدي عن الحد المعقول

يعني مجرد ماتحسي ان بطنك امتلت توقفي وتقومي من السفرة
( بعض الناس حتى لو خلاص حسوا انهم اكتفوا يكملوا أكل ولا يوقفوا وهذا أكبر غلط)

- - - - - - - - - - - - --- - - - - - - - - - - -
حاولي تقللي من الوجبات اليومية اللي تاكليها بالتدريج.

يعني إذا كانت 6 وجبات في اليوم.

حاولي تخفيفها إلى 5 وجبات واستمري اسبوع ...

والأسبوع الثاني 4 وجبات...إلى أن تصير 3 وجبات في اليوم.


واصبري ولا تقولي أنا أبغى أخس بسرعة (لأنه اللي يصير بسرعة يرجع مرة ثانية وبسرعة)


- - - - - - - - - - - - - - - -- - - - - - - - - - - - --

وإذا حسيتي إنك تبغي تاكلي حاولي تشغلي نفسك بأي حاجة موجودة عندك:

يعني بدل ماتروحي الثلاجة وتفتشي على الأكل اشربي موية كاسة أو كاستين لحد ماتحسي إنك خلاص مش قادرة تشربي أكثر (املي معدتك موية)

وكثري من العصيرات بس انتبي (أفضل انه ماتكون نسبة السكر فيها عالية)

وإذا حسيتي حالك انك مش قادرة

حاولي تاكلي لك فاكةأو خضار أو تعملي سلطة(لأنها خفيفة ولا فيها سعرات كثير)

زي ماقالوا الأعضاء تعملي رياضة لمدة 1\2 ساعة على الأقل:

[لاتقولي مافي وقت حاولي تنظمي وقتك وإن شاء الله راح تلاقي الوقت الكافي اللي تعملي فيه الرياضة]

ولاتزيدي على النص ساعة إذا كنت أول مرة تعملي رياضة..

وإذا شفتي النص ساعة فيها تعب عليك حاولي تبدئي بالتدريج

يعني اليوم الأول 10 دقايق اليوم الثاني تزيدي دقيقتين أو أكثر وهكذا إلى أن توصلي إلى الوقت اللي تشوفيه مناسب لكي.

ولاتحاولي وقت الرياضة تعملي كل الحركات في وقت واحد(عشان ماتطفشي وتتركيها)

حاولي مثلاً تعملي جدول :


اليوم الأول :مشي :تمشي فيها : في الحديقة، أو حول البناية اللي ساكنة فيها أو أي مكان يعجبك.

اليوم الثاني : رياضة الكتف والأرداف و..

اليوم الثالث.... وهكذا..


- - - - - - - - - - - - - - - - - - - - - - - - -- - - - - -- - -

اشغلي نفسك بعمل أعمال فنية أو هندسية (إنت ماشاء الله مهندسة)

حاولي تستغلي هذا الشي بعمل أفكار جميلة لمنزلك.

اخرجي من المنزل (أحياناً تكون سبب هذي الأمور نوع من الإكتئاب) دوري على جمعيات ، دورات تطورك وتنميك.



السموحة والعذر على الإطالة

ودعواتك