نفساني - عرض مشاركة واحدة

18-10-2007, 12:32 PM

كلامكوا كله بجد صح بس ياترى العيب علينا احنا برضه ولا عليهم الناس عايزه تفرح وتغير ويشوفوا بس هما مش حابين يشوفوا الرقص والعرى والغنى الهابط الى بقت اكتر القنوات بتذيعه اكنه حاجه جميله الناس قال ايه بتحبها وبتطلبها يعنى انا افتكر ان زمان شويه كان فيه رقابه فعلا ومش كانوا بيطلعوا القنوات زى مااحنا بنشوف وكمان احنا فكرنا الغرب شايفنا ازاى هما تلاقيهم بيحسبونا كشعب مصرى او عربى زى اللى بيتقدم وبيشوفوه من تفاهه ولا مبالاه وحرمانيه بتحصل وعلى فكره حتى القنوات الدينيه وانت قاعد تتفرج على برنامج دينى ومنهمك اوى ومركز فيه وكمان ممكن تكون بتسجله تلاقى كل شويه المذيع يقول هنرجع بعد الفاصل ومش اى فاصل بقى اعلاناااااات غبيه والفاصل واصل ولسه مش اتقطع لدرجه ان الواحد بينسى الراجل كان وقف لحد فين ف كلامه انا مش عجبنى اى قناه من الفضائيات او الارضيه اوغيرها مفيش قناه لقيت فيها كل اللى محتاجاه ده على اد علمى بالقنوات اللى عندى بس ممكن غيرها يكون حلو بس لسه موصلش عندنا لسه القناه ف اولها لو كانت دينيه تبتدى جامده ايه تشدك كده ومش تحاول ولا تعرف اصلا تقلبها لان كل اللى ف البيت عايزينها بعد كده خلالالالالالالالاص ولما اجى اتكلم عن قناه مسلسلات ولا حاجه مش هعيب ف المسلسلات بس هقول فين الفايده اللى فيها وفين اللى بتفكرنا برمضان وفين اللى بتعلمنا ايجابيه مش نتعلم منها سلبيات وعادات سيئه والفاظ محرمه زى عفوا يعنى (والنبى / وحياتك / زارنا النبى / لاحول الله) كل دى الفاظ تخالف الشريعه فمن كان حالفا فليحلف بالله ولو حلفت بغيره لازم تقول الكفاره لااله الاالله وحكايه زارنا النبى دى كمان سبحان الله العظيم عليهم عايزين يرحبوا بالضيف لدرجه انهم يقولوا عليه ... كده وكمان لاتقل لاحول الله لانك بكده بتنفى الحول عن الله بل قل لاحول الابالله العلى العظيم وغيرها من الالفاظ دى كتير يعنى كله يعنى كله سلبيه ف سلبيه ممكن بس الايجابى اللى فيها بيبقى البرامج الدينيه وبس حتى لو كنا بنتشل على ما نكملها معلش طولت شويه بس الموضوع ده بجد مجننى ازاى يبقى الاعلام والفضائيات جديره بانها تكون طالعه من هنا وامتى؟؟؟؟