دويشة

ehabdiesel

اخوي الله يعطيك العافية على طرحك الحلو والمفيد صراحة ..

الله يجعله في ميزان حسناتك ويبعد عنك الهم والغم والحزن ...

اخواني كيفكم مع النوبات بعد زحمة العيد ان شاء الله احسن ..

بالنسبة لي ولله الحمد انا صامد ومتحدي النوبات واواجهها بكل

ما استطيع والحمد لله ابتديت اشوف النتايج المرجوه ..

اخواني والله العظيم ما فيه حل الا بمواجهة النوبات والاضطراب

هذا صدقوني ياناس .. ومثل ماقال اخوي ان كل النوبات هذي

والأفكار من الشيطان يوسوس للناس ويشغلهم والدليل على كذا

ان اغلب الأفكار تجي وقت الصلاة يحاول يصرفنا عنها وعن الخشوع..

ابي كل واحد منا يسأل نفسه ويجلس مع نفسه ويقول يعني وش

بيصير يعني من النوبات موت ما راح تموت إلا بيومك ..

افكار احنا نجيبه لأنفسنا من شدة الحساسية والتفكير ..

على فكرة اتصلت بدكتور نفسي سعودي صديق لي من سنتين

تقريبا وله فضل كبير بعد الله سبحانه بثباتي في مواجهة النوبات

والأفكار يقولي الدكتور ما فيه حل إلا بمواجهتها ولا تخاف انت

انسان قوي والمفروض انك ما تخلي الأشياء هذي والافكار تسيطر

عليك .. قلت له طيب مو بيدي غصب على .؟ قال ادري بس لازم

تشيل عنك الأشياء هذي وصدقني سهلة جدآ كل ما عليك هو انك

ما تلقي لها بال .. يعني مثلا كنت انا بالصيف اللي راح عندي سفرة

لمصر .. وكنت خايف جدآ من السفرة ورفضت اروح مع الشباب ..

وبعدين كلمت الدكتور وقال لي روح ولا تخاف قلت اخاف تجيني

النوبات هناك وبعدين صعبة اهلي مو قريبين منى قال : والله العظيم

ما راح يجيك شي إلا بإرادة الله اما من ناحية النوبات ماراح يصير

لك شي وصدقني راح ترجع وبتحس بتطور عجيب ..

فعلا سمعت كلامه وسافرت مع الشباب وانا صراحة على اعصابي

من المطار بس سبحان الله بعد ما وصلنا هناك وراح يومين على

السفرة حسيت اني اقدر اتحمل واشيل عني كل هالخرابيط هذي

وبعد ما جيت يالله ما تصورون كيف حسيت بالتغيير الكبير في حالتي ..

بعدها كلمت الدكتور وشرحت له اللي صار وقال استمر على كذا

ولا يردك شي عن اي شي تبي تسويه .. ومع الوقت راح تضحك

على نفسك وتقول انا كنت بحلم ولا ايش ...

ويقول لي عشان تتطمن اكثر صدقني ويحلف لي كمان : ان النوبات

هذي مع تقدم العمر راح تروح من نفسها لان الانسان يكبر ويكبر معه

تفكيره وعقله وتزيد ثقته بنفسه ويكون اقوى من اي وقت مضى ..

انا خلاص عزمت على مواجهة النوبات وانا والحمد لله في منتصف

الطريق .. وان شاء الله اقدر اكمل واتخلص منها ...

ارجوا منكم اخواني واحبائي انكم ما تفكرون فيها واعتبروها مرحلة

وعدت وتبدون من جديد ولا تخافون من أي شي ...

والمؤمن القوي خير واحب إلى الله من المؤمن الضعيف ...

اتمنى لكم الشفاء والإطمئنان يارب ...