نفساني - عرض مشاركة واحدة

12-11-2007, 02:47 PM

السلام عليكم ورحمه الله وبركاته
الى اصدقائي في المنتدى ذكورا واناثا .
احب اشكر تفاعلكم الواضح وان سمحتوا لي بأن اطالب كل قارئ وهذا
رايي الشخصي على كل من يبادر بالزواج رفض شرط وجود الشغاله
في بيته , فالبنت التي تطلب شغاله كشرط من شروط الزواج فاتركها
خلفك ولاتنظر اليها فليس هناك ما يدعوا الا ان تتحسف عليه حتى وان
كنت تحبها .....
طبعا لايخفاكم ماتسمعونه من قصص عن الشغالات وهي كثيره جدا
ولكن المعاصر لها في قسم الشرطه يضرب اسداسا في اسباع قبل
ان يأتي بها للاسف الاجرام وصل حد الاحتراف و التفنن .
ولكم هذه القصه التي للاسف ان دلت على اهمال الام ( ان كانت ام)
وكذلك اهمال الاب في متابعه طفله .
فالزوجه هدفها للاسف ان تقضي ليله حمراء مع زوجها حتى لو ترمي
طفلها في احضان الشغاله عشان مايخرب الجو عليهم ( مسووين
رومانسيين) والله ودك تضحك وودك تبكي من القهر .
مع ان اكثر الشغالات تولوا الطبخ للعائله ( اللهم لك الحمد اني ما اكل
من اكلهم اطبخ بنفسي ) هذا يهون بس انها توصل لحد التربيه والنوم
معهم فحسافه على هالتربيه , ما ابي اطيل عليكم احضروا الدوريات
لي في القسم شغاله هاربه طبعا اتصلت على كفيلها وماصدق انها
عندي جاء طيران يبي يضربها قلت لحظه وش فيك قال ابقولك وش صار
قال: الي يتابع طفلي في ظل ذهاب زوجتي للعمل وذهابي للعمل
شغالتنا المصون مرت الايام والشغاله مازالت (الراعي الرسمي )
قصدي الام الرسميه له ، يقول لاحظت الطفل متغير شكله وحركاته
في المشي مو عاجبتني ودايم في خمول واسال زوجتي عنه توقعوا
وش قالت : قالت اسال الشغاله عنه ليه كذا هههههههههه ( شر
البليه مايضحك )
طبعا يقول سالتها قالت هو مانام اليوم زين يقول سبحان الله ماارتحت
لكلامها قلت ابوديه المستشفى هي سمعت بهالشي بعد طلوعي
انا وولدي للمستشفى هربت, طبعا في المستشفى كشف الدكتور
على الطفل قال ولدك يعاني من التهاب حاد في الرئه توقعوا من ايش
الشغاله (بنت الكلب) كانت تربط حبل في ذكر الطفل اذا طلب الحمام
عشان ماتبي تقوم حضرتها ويخرب نومها فسبب للطفل التهاب حاد
في الرئه فخوفا من ان يضرب الشغاله طلبت منه تقرير يثبت ذلك
حتى يتم محاسبتها .
اين الام ؟؟؟؟؟؟؟؟
اين الاب ؟؟؟؟؟؟؟؟؟؟؟
فبعدها قلت لاهلي اذا بتزوجوني ما ابي موظفه لان الموظفه اكيد
بتجيب شغاله وان مالقوا اهلي الا موظفات فالعنوسه ارحم لي .

المصدر: نفساني