خواطر العشاق

بيانات اضافيه [ + ]

رقم العضوية : 19557  تاريخ التسجيل :  03 2007  أخر زيارة : 03-09-2017 (10:42 PM)  المشاركات : 5,683 [ + ]  التقييم :  83

لوني المفضل : Cadetblue

شكرا لك استاذ ابراهيم اهتمامك بالرد ..............

بالنسبه للمشكله التي حصلت بين الاب والاخوان حاولت قد الاستطاعه قلب الموازين لصالح الاب وذكرت ان سبب الدم هو ان والده ضرب نفسه بالساعه الي بيده بالغلط ولما قال ان عمي فلان وفلان طرحوا بابا على الارض ذكرت انه هو الي طرحهم ورمهم على الارض عشان يقدر يضربهم ... وشوي شوي بديت اقلب الامور لصالح الاب


اما المشكله الثانيه
وهي كونه مسالم فهذه الصفه طبعا موجوده من قبل الامر الي حصل بين الاب واخوانه
فمثلا وقت ما اروح لعزيمه او مشوار ويكون فيه اطفال في البدايه يكون متهيب ويمشي جنبي ويجلس ربع ساعه الى نص ساعه على بال ما ياخذ على الوضع ... ويكون متهيب وخجول .. ولما احد يقوله تعال سلم عبدالله يروح بستحياء ولا يرد الا بصوت واطي جدا واحاول افهمه لازم تكون جري وتسلم على الناس اذا دخلنا عندهم وترد السلام بصوت عالي وانت ايضا تسال عنهم وكل مره اعيد عليه نفس الكلام ...... طبعا بعد ما ياخذ على الوضع يبدى يلعب مع الاولاد بس وقت ما يضربه احد اما انه يجي عندي يبكي او يتجنب الي ضربه ويخضع لااومره .... وكل مره اقوله دافع عن نفسك ولا تسكت لان سكوتك راح يخلي الاطفال يضربونك لانهم يقولون عبود صغير وما يقدر يدافع عن نفسه بس اذا دافعت عن نفسك يصيرون يخافون منك وقس على ذلك ما يحصل في المدرسه ... احيانا اسئله وش سويت مع تركي _هذا زميل له في المدرسه يضربه_ يقول ضربي ومسكته وهاوشته وضربته طبعاااااا كله خيال فاحاول اشجعه واقول ماشاء الله عليك بطل وشجاع شفت لما ضربته ماقدر يضربك وايضا اربط بين الوضع وبين ابوه واقول ابوك لما كان بالمدرسه ماكان احد يقدر يضربه وكان الطلاب يخافون منه وعمك فلان وفلان اذا احد ضربهم كانوا يرحون لــ بابا يطلبون منه يساعدهم ... لانه كان شجاع وقوي ... وطبعا انا اتصلت على المدرسه ووضحت الصوره للمديره لان الولد يرفض يروح للمدرسه خوف من تركي والان الامور نوعا ما طبيعيه ...

ما احب التاكيد عليه اني دائما اقوله واعيد عليه انه من الضروري الواحد يدافع عن نفسه وياخذ حقه ولا يسكت لناس اذا غلطوا عليه لان سكوته بيساعد الناس عليه ..... ضف الى ذلك كونه خجول ومتخوف .. احاول اعلمه اذا طلعت مثلا سوق او محل كيف يعتمد على نفسه ويروح هو يجيب الي يبي يرفض تماما ويقول تعالي معي احيانا اعطيه فلوس اقوله رح اطلب لك وجبه يقول ما اعرف تعالي معي ... ولازم امشي معه وابدا ما يروح لمكان لوحده لازم اكون معه الا في حالات قليله اكون مثلا جالسه ع الطاوله الي قدام المطعم واعطيه فلوس واقول اطلب مثلا بطاطس ولازم وقتها يكون المطعم فاضي وماعنده احد والا يرفض واذا احد كلمه صوته واطي ويتكلم بكلام متقطع ...

احاول اخليه يعتد على نفسه واحيانا اطلب مساعدته في اموري الخاصه عشان اعزز ثقته في نفسه واشاوره في اشياء معينه ....

قد يكون انفصالي عن والده سبب لشخصيته +ايضا يحمل هو الان سمات من شخصية والده مثل الخجل والارتباك والحرج في مخاطبة الغيررر



معليش كتبت كل ما يجول في خاطري وما ارى وقد يكون كلام مقطع يفتقد الى الترتيب ولكن لعله مفهوم وواضح

اتمنى يكون جري ومقدام واذا تكلم يتكلم بطلاقه وصوت مفهوم ومسموع ويحاور .. وهذا ما اسعى له في تكوين شخصيته طبعا عبود عمره 5 سنوات

شاكره لك اهتمامك