نفساني - عرض مشاركة واحدة - فضيه امن دوله والعقوبه من البراءه للاعدام

21-12-2007, 02:56 PM

بالعكس يازرقــــــــــــــاء ؛ لا طولتى ولا حاجه ؛ وكم استمتعت بردك المستفيض ده اللى بيعكس " حماس

شباب المعلمين الجدد " ....

أنا فهمت أنك فى الطريق لإمتهان التدريس حرفةً ومهنه.. صح والا أنا غلطان ؟؟؟

لو كان صح ؛ وبتفكيرك ده ؛ فيبقى ياسعادة من ستدرسين لهم ؛ إذ أنهم سيكسبون طاقه متحفزة

للعمل الجاد المثمر وليس ( سد الخانه )

بالنسبه لما يُدين المُعلم : عشان نبقى منصفين برضه ؛ المجتمع اللى احنا عايشين فيه عايز تغيير جذرى

من أساسه فى كل نواحيه ؛ فلا يصح تحميل أحد أفراده الأخطاء كلها ؛ لكن احنا بنتكلم على المستوى

الفردى ....

فالمعلم اللى ــ كما ذكرتى ــ يكتب رقم تليفونه على السبورة ليذهب اليه الطلاب للدروس الخصوصيه أكيد

مُش صح ؛ المطلوب منه ان يُؤدى عمله بالشرح والإيضاح والتفهيم قدر وسعه ؛ وبعد كده من أراد المزيد

فله ذلك خارجياُ بلا اعتراض ؛ لأن الأفهام ليست واحده ؛ إذ أن بعض الطلاب ( يلقط ) المعلومه من أول

مرة والبعض الآخر يحتاج لجهد مضاعف للفهم ..

كمان المعلم اللى هدفه ( تخليص ) المنهج بأى شكل عشان لما ييجى عليه تفتيش يلاقى كراسات تلاميذه

متماشيه مع خطة الوزاره ؛ دون الإهتمام بمدى استيعاب هؤلاء التلاميذ أو بذل جهد للسير فى الإتجاهين

( تخليص المناهج مع إفادة التلاميذ ) أكيد برضه مُش تمام ...

عارفه ؛ انا مر علىّ أثناء دراستى ( وعلى فكرة أنا ثانوى تجارى وبس ) اساتذة كانوا يعشقون عملهم

لدرجة أنهم كانوا يأخذون حصص النشاط الرياضى وغيره لتدريس موادهم ( وأحسب أنكِ ستكونين كذلك

بإذن الله )

أما عن مناهج التعليم ومدى ملاءمتها للمجتمع أو سوق العماله أو المتغيرات الحديثه ؛ فكل ده كلام خارج

عن قدرتنا حتى على توصيله ( سياسات عُليا !!!!! نقرتين لعرض الصورة في صفحة مستقلة

وأما عن نظرة المجتمع الساخرة للمعلم : فمجتمعنا ماشاء الله لم يترك شىء بلا سخريه ؛ وأظنك شفتى

" قهوة الموظفين " والنماذج ال ( حلوة ) اللى قاعدة عليها ؟؟؟؟

مجتمعنا ؛ وبلدنا ؛ وعاداتنا وتقاليدنا ؛ ح نعمل فيها إيه ؟؟؟؟؟؟

المهم ان الواحد يعمل الى عليه فى حدود المتاح وبضمير حى ؛ وبعد كده نتمنى الإصلاح من عند الله ..

مع أطيب الأمنيات لكِ بقضاء باقى أيام العيد بسرور ..اسامه