نفساني - عرض مشاركة واحدة

31-12-2007, 12:32 AM

على باب سفارة كندا .. لمحت ابليس .. وف إيده استماره

بأقول له على فين ؟؟ قالى بص : ياهجــــــرة يا إعـــــارة

ياعم زهقت .. كفرت .. ألا قيـــــش معـــــاك سيجــــــــارة

أنــا انتهيــت خــــلاص ؛ لا نـــــافع وســــواس ولا خنــــــــاس

ولا بقــــــالى عيـــــــــــــــــــش وسط التــــــــــــــــــــاس

دول عالم مجرمين ؛ والفساد ف كل البلاد ؛ مُش محتاجه شياطين

بقالى سنين عاطل .. وانتو بتقلبوا الحق باطل .. وتسَلّكو القاتل

وتمشــــــــــــــــوا فى جنازة المقتول .. ومافيش مشــــــاكل

ياعم ..ده أنـــا بقيـــــــــت اوسوس بالمقــــــــــــلوب!!!!!!!

وأقول للحــــــــرامى كفايه بـــقى .. تــــــــــــــوب!!!!!!!!

انت ح تعمــــــــل كل الذنوب لوحدك؟؟؟ وأنا ابليس

أشتغل واعظ ؟؟؟ والا كمســـــــــارى ف أتوبيس

ياعم .. ده أنا زمــــان كنت استنى حد ينـــسى يسمى

وهو بياكل لقمتــــــــــــه

دلوقت كل أكلكم ملوث .. وبصراحة الواحد خايف على صحته

ده مافيش ضميــــــــير أســــاساً عشـــــــــــان أمـــــوته

وكــــل واحـــــــد ماشى بمزاجه ... وخــــربانه زمتــــــــــه

ياعم ده كل حاجه اتسرقت .. والأجيال الجديده من الحراميه

اتظلمت

ياراجــــل .. ده من كتــــــــر ما لطَّشت معـــــايـــــــــــا

خرجـــــت فى مظـــــــــأهرة مـــع الناس اللى بتقول كفايه

وبرضه مافيش فــــــــــــــايده

( كــــــــــــــــلام من ع المسطَبـــــــــــــــــــــــــه )

اسامه

المصدر: نفساني