نفساني - عرض مشاركة واحدة

03-01-2008, 12:53 AM

شكرا لك اختي

في البداية اقولك ان عمري وعمره 30 سنة ،،

هذا الشخص مر بظروف نفسية ،، بداية من علاقته مع والدته ومع اخوانه

من امه

امه كان الاهم عندها اولادها من زوجها الأول .. كان تفضلهم بشدة

وبما انه اخر العنقود كان يحتاج لعنايه خاصه لكنه لم يلقاها ..

كانت كثيرة السفر وغير مباليه بحاجتة اطفالها مع العلم ان اخوه اللي اكبر

منه بسنه ( معاق ) مغولي + اعاقه جسديه وفي رعاية الخادمة

وبعض الاوقات ينتقل للعيش مع شقيقته الكبرى ، أو شقيقة

أما بندر فكان دايما يهرب من هذا الوضع

إذكر لك موقف كانت نفسيته جدا رائعه لكن بعد عودة من العمل تفاجأ بقرار سفر

والدته .. تغيرت نفسيته .. لدرجة البكاء !!

كان متعلق بشدة بوالده المتوفي ...

في الفتره اللي عرفته فيها كنت دايما احاول اني اغير نظرته لوالدته ..

وأنه الآن رجل ومستقل بذاته .. ومهما صار لازم يرضى والدته ,,

والحمدلله لا حظت تغير في شخصيته معها ..

الموضوع الثاني ( تجربة حب فاشلة مؤلمة جداً ) كنت اتجنب الحديث عنها معه

لأنه كان يتأثر .. كان يحأول التكلم لكن يضعف ويجلس فتره طويلة متأثر بالقصة

مايحدث الآن معنا

قبل شهر ,,كنت ابتعدت عنه شخصيا ولكن بقينا في نطاق العمل الذي بيننا

وصلني مسج منه انه تعبان من نفسه ،، و اعتذر عن اللي صار ووعدني ان راح

يتغير كل شيء للافضل وراح نحقق هدفنا اللي رسمناه ( الارتباط )

ما حاولت اضغط عليه وارجع اتكلم في الماضي ،، تركته مع الوقت حتى يتكلم من

نفسه ،، لأني اعرف شخصيته .

تحسنت نفسيته كثيرا ، والكل لاحظ هالشيء .. لكن رجع للاسف يهرب ويتكلم

كلام غريب عن حياته ،، وانه مجرد جسد لا روح فيه

وانه انسان مايقدر يعطي السعادة لمن يحب .. وصار يتهرب من الكل

حتى عائلته .. لدرجة انه يقضي معظم وقته في النوم ...

هذه الامور عرفته من شخص ثقه ومقرب له ..

حتى نبرة صوته اختلفت عن اول ..

أخت نوال /

بندر عرفته كانسان ،، ولو كان هدفه يتسلى كان قدامه كثير غيري وراح يعطونه

اللي يبي باشاره منه ..

بندر عرفت ماضيه ،، كنت له الصديقة المقربة قبل ان اكون الحبيبه

وكان يحلم بحياة أفضل ،، نعيشها معا ,,

وسبق انه عرض نفسه على معالج نفسي وانا متابعه مع المعالج بس توقف

وبوجودي معه قدرت اغير من اشياء كثيرة فيه !

مثل السهر // كان بندر يجلس يومين ثلاثه ماينام .. وينام يوم كامل

3 سنوات من معرفتي فيه اصبح ينام يوميا الساعه 10 ونص مساء ويصحى الصباح بدري

تغيرت نفسيته وتعالمه مع الاخرين

كذلك كان مدخن وبشراهه وجربت معه طريقه وترك التدخين

لكن بعد ما حدث الانفصال أو ما اسميه الهروب

رجع لطريقته بالسهر وايضا للتدخين

كل مايهمني الآن انه مساعدته للخروج من حالته النفسيه الحاليه