نفساني - عرض مشاركة واحدة

21-01-2008, 12:22 PM

السلام عليكم اعضاء نادى.....نوبات الهلع

انا اتفجأت فى الموقع وكانت المفجأة اكبر لما رأت نادى نوبات الهلع كنت فاكر انى انا الوحيد الذى يعانى من هذا الشىء وكنت بحسب ان اتجننت خلاص

المهم ارجو قبول عضويتى فى هذا النادى رغم انى ممكن مدخلش كتيير لكن عمرى ما جاء فى بالى انى اشترك فى نادى زى كدة لكن الاخت نادرة جدا فعلا اسمها على مسمى

انا .......جأتنى نوبة الهلع هذة بشدة فى اول مرة من حوالى سنتين بعد ما رجعت من صلاة الفجر لا استطيع النوم واذا نمت احس ان نفسى توقف النفس الاتو ماتيك دة لا يعمل اضطر انى اتنفس بنفسى سعتها حمدة الله على نعمة التنفس الآلى وبعد بدأت تصعب عملية التنفس اتخيل انى فى جونتاناموا وانهم وضعونى فى مكان ضيق جدا ذات العملية ثم تخيلبت انهم وضعونى بالماء ذات اكتر لا استطيع التنفس

صحوت زوجتى على قلقى ةقالتلى مالك وجدتنى واضع وجهى فى المكيف والمكيف على الاخر قلت لها لا استطيع التنفس وبأت انطق الشهادة واقرا القران فزعت هى اكتر بدأت ابكى وادعوا لأخواننا فى جونتاناموا وفى المعتقلات المصرية ثم بدأت ابكى بكاء شديد بكت هى ايضا معى وهى تقولى لماذا تبكى قلت لها انت لن تتركنى انا مش مجنون

مطولش عليكم ذهبت الصبح الى المستشفى ....... بجدة حيث ان لدى صديق دكتور نفسانى تحرجت ان اقول انى مريض اتصلت بية خرج قابلنى وقالى خير وحكيت لة ووصف لى طبعا السبرالكس والسانكس

المهم مع المقاطعه للدنمارك وهى الدولة المنتجة للسبرالكس قطعت الدواء رجعت تانى اخدت دواء مرادف ثم بطلتة والحمد لله لمدة سنة ونص تقريبا

رجعت تانى وبشكل غبى اول امبارح فى الليل 21/1/2008 الساعه 4.45 فجرا قبل صلاة الفجر نزلت فى الشارع زى المجنون ابحث عن صيدلية رغم انى مبطل الدواء لى اكثر من سنة ونص الان لكن بحثت عن صيدلية لم اجد طبعا كلة قافل
دخلت مستشفى الطوارىء قاسولى الضغط قال الدكتور لا بد تتنوم انت ضغطك عالى جدا و طبعا عرق شديد رغم تكييف المستشفيات العالى
قالت لة : انا عارف حالتى اعطينى سبرالكس وانا هبقى كويس بعد تلت ساعة
الدكتور كان لبنانى جزاه الله الف خير تعب وطلع ونزل الى الصيدلية واحضر لى الدواء ودفع الفلوس كمان لأنى كنت بالبجامة لأنى كنت لوحدى والى الان حيث ان زوجتى فى مصر

الظاهر انى اتجننت فعلا انزل بالبجامة الساعة 5 الفجر فى الشارع

المهم اخذت الدواء وانا زعلان اكتر لانى كنت فرحت انى بطلتة لكن ما باليد حيلة

اخت نادرة جدا احييك على هذا النادى وسامحينى على الاطالة

لكن فعلا انا كنت محتاج حد اتكلم معاه فارجو الرد والتعليق حتى لا احس انى بكلم نفسى

عماد