|
لاتبخلون علي بآرائكم محتاااااااجه نصحكم
السلام عليكم ورحمة الله وبركاته..
مدري من وين ابدأ وكيف ابدأ لكن اللي عندي بقوله وانشالله تفهموني ... انا اعاني من اكتئاب واخذت ادويه لمدة سنتين والحمدلله حالتي تحسنت لكن الان وقفت العلاج لاني مليت ولاني افكر بالحمل ولان زوجي مايرغب بالاستمرار فيه و.. و.. و.. اسباب كثيره, المهم مو هذي المشكله ..المشكله اني حسااااسه جدا جدا جدا جدا واتفه سبب يبكيني ويخليني اكره كل شي.. واذا تعب احد من عائلتي تلاقوني انا اللي اتعب اكثر منه واتضايق وابكي ولا احب اسمع الاخبار الشينه لاني اتأثر بها كثير .. ودي اكون انسانه عاديه صح اتضايق اذا تعب احد بس مو بالشكل اللي انا فيه ؟؟؟ انا تعبت وتعبت اللي حواليني والمشكله بعد اني مااقتنع بسرعه ومهما قعد الشخص اللي قدامي يحاول يقنعني ماااااقتنع ؟؟ على سبيل المثال .. امي الله يخليها لي انشالله ويشفيها من السكر والضغط اذا شفتها تعبانه انا اللي اتعب وابكي ولا انام وكأني عايشه بكابوس ودي اصحى منه.. رغم انها هي بنفسها تقول لي انا طيبه مافيني شي لاتتعبين نفسك وتجلس تنصحني بس اقول بنفسي امي تسكتني ماتبيني اتضايق عشانها..واتعب زياده..والقى نفسي منهاره نفسيا (انا شديدة التعلق بأمي واخاف عليها جدا بشكل غير طبيعي )
تعبت من حالي اتمنى اكون انسانه طبيعيه لاني ادري ان اللي قاعده اسويه مو طبيعي..انصحوني..ارشدوني.. كيف اقدر اتخلص من الطبع هذا؟؟ انا ادري ان مايصيبنا الا ماكتب الله لنا والحمدلله على كل حال لكن تجيني اوقات انهاار من التفكير هذا تعبان وهذا مريض وهذا طفشان وهذا سقط وهذا نجح وهذا وهذا وهذا ..
اسفه على الاطاله لكن شسوي من كثر التفكير قلت افضفض لكم شوي يمكن ارتاح.. جزاكم الله خير
|