نفساني - عرض مشاركة واحدة

08-02-2008, 03:42 AM

السلام عليكم كيفكم اخواني ..

للاسف ان تجربتي تاخرت قليلا وهي السفر و حيدا في الليل . انا من سكان الرياض وقررت اذهب لوحدي بالسيارة الى مكه اخذ عمرة وارجع وبكذا اكون انتهيت من التفكير في نوبه هلع نهائيا واتمنا منكم الدعاء لي اتوقع الاسبوع الجاي او الى بعده لان عملي يسمح لي بعطله الاسبوع فقط . ولهذا السبب قلت لكم عن التجربه . عموما كان عندي خوف من الطيران والحمد لله الان اركب الطيارة وانا مستمتع جدا ولا اخاف من المطبات .
لاحظت كل اعراضكم عندي او لي نسبه فيها .. عموما السبب مجهول واكيد الطفوله وكل ماقيل من علماء النفس والمفكرين لايخلو من الصحه .

نوبه الهلع سببت لي ايضا وساوس خطيرة كنت اخاف من الوساوس هذي في الصلاه اكثر من الموت نفسه وكنت احس ان عقلي يتصرف بطريقه ماكنت اقولها وكنت احس ان الارض بتخسف فيني .. لكن مع العلاج ذهبت وايضا في الصلاه في التشهد الاخير كنت اذا ذكرت الله احرك اصبعي لاني ابغى انتقم من الشيطان واعتقد اني سمعت حديث ان حركة الاصبع تكون مائله مع ذكر الله اشد على الشيطان من الضرب نفسه يعني كانك تضرب الشيطان .. وحسيت بتحسن لحد ما اختفت لما وقت العلاج رجعت واستمريت بسرعه بعد مانسيت حركة الاصبع او تكرارها لمدة خمس دقايق . يعني بعد التشهد الاخير لما اقول اللهم اتننا في الدنيا حسنه وفي الاخرة حسنه ( عند ذكر الله احرك الاصبع لفوق ارجعه بسرعه وكذا احس اني انتقم واذي الشيطان ) وبكذا بدل ما اجلس دقيقه اجلس خمس دقايق مثلا . وبكذا حسيت بتحسن .

عند النوم في الليل اشغل المسجل على سورة البقرة واسترخي في الظلام الدامس كنت احس ان في شي يرفعني من تحت وكاني نايم بامتداد على السرير وراسي على جهه القبله وكنت احس اني ارتفع في داخلي وكان نسبه هواء داخلي ترفعني وكاني بالونه ... وهذا الى انصح فيه انك تجرب هذا الشي وتسلم نفسك بعد ماتذكر الادعيه قبل النوم طبعا وقراءة ايه الكرسي واخر ايتين من سورة البقرة وسلم نفسك بعدها لاتخاف ولاتفكر تخيل انك تطير ولاتقاوم ( هنا مشكلتنا المقاومة ) تخيل شخص دخل بيتك لاهو قادر يدخل ولا يخرج وهذا الخوف انت اعطه مجال يطلع براحته او يدخل براحته مثل القطط اذا تسكر عليها الباب وخايفه تبدا تتوحش اكثر وتخاف . هذا هو الخوف اعطه كافه المجال اما يدخل اكثر وينتهي او يطلع بشكل طبيعي .

الان انا اخاف من الموت وجهنم والدار الاخرة مع ان الامور موزونه في الدين لكن انا بسبب نفسي والشيطان بالغت في الخيال وجعلت اشكال الموتى والقبر وجهنم في الظلام هي النسبة الاكثر . وكنت اخاف من الصلاه في المسجد . ولما تفكر في الهلع مباشرة يطلع الهلع مثل الاكل اذا فكرت في الاكل تجوع لو جلست تتخيل الذ الاكل والطعام والطبخ والدخان الخارج منه والبصل طبيعي تجوع خاصه في الاكل الى تحبه .

الان : نام مثل ماسبق شرحه وفكر في كل شي تخاف منه وقول مثل ماقلت انا لما عاجلت الخوف من الطيران ( انا الان باركب الطيارة وراح استمتع واتحدى الشيطان او اي كائن في الارض يخوفني - هذي رحلتي وراح استمتع فيها مستحيل اخاف وبالغ في هذا الشي وتصور انك تحلق وان الطيارة تهبط بسرعه بسبب مطبات هوائيه واضحك انك طفل مطنش ولايهمك ) ( عند ركوب الطيارة سوف اواجه واستمتع بالاقلاع وباجلس عن النافذة واشوف كل شي ماراح اكون خايف راح استمتع بالاقلاع واتخيل كل شي في الطيارة لان الطيار مايخاف لانه يعرف التفاصيل انا راح استمتع بالتفاصيل ومستحيل اغمض عيوني ) بكذا في رحله وحدة عالجت الخوف من الطيران وكنت اول اتعرق واتكلم مع الراكب جنبي واقول له انا خائف حتى لايخاف ويطمني اكثر ويسولف معي واحيانا كنت عند الاقلاع خاصه اضع اليدين على الاذنين حتى ما اسمع صوت الاقلاع والمحركات وكنت اغمض عيوني في نفس الوقت واتكلم واستغفر حتى ما احس بحركة الاقلا ع ولا الصوت ولا اي شي . لكن بكذا انحلت لي .

الان نوبه الهلع مع النوم فكر في الاشياء الى تخاف منها مثل الاتي : ( همس في اذنك بتموت دقات القلب تقول كذا - اجاوب ياسلاااام اخيرا اموت الله حلو الموت - يهمس في اذنك ترى في جني معاك - اجاوب ياسلام خليني اصفقه واتخيله صغير واني اركله - همس في الاذن ظلام دامس ماتشوف - اجاوب حلو الظلام اتخيل اني في غواصه اعتمد على الاصوات - همس دم - اجاوب ياسلام حلو الدم واشكال الجروح والكسور تضحك اشكالها ) وهكذا باستمرار كل شي ماتحبه تخيل نفسك تلمسه وتتعامل معاه وتضحك وتتحمس انك بتقابله . الان اي فلم مرعب اشوفه طبيعي جدا اشكال الجثث عادي عندي لاني تخيلت كل شي وتخيلت الاسواء .

بكذا انت تكون خايف من شي وتخاف تدخل في الظلام مثل الغرفه المظلمة لما تتخيل انك تدخل اكثر وانت مبتسم وتتخيل الثعابين كبار وسوداء وصفراء تهاجمك تخيل انك تضحك واننك تتعامل معاها بالانتقام والضرب وانتي تضحك توصل الى نهايه الغرفه المظلمة في نفسك وترجع الى الباب الى دخلت منه وماحصل لك شي وبكذا تتغير عندك الحاله الى العكس . مثال هذا الدخان معالجة الادمان بالادمان نجحت في تركت الدخان لاني حاولت ادمن على شي اخر موقتا بدل الادويه والجلسات وبسرعه خياليه رغم اني كنت اشوف ان ترك التدخين مستحيل ولازم له مقاومة وهنا كان سبب الادمان هو المقاومة لاتقاوم سلم نفسك تخيل ولاتقاوم الافكار بالعكس فكر فيها اضحك وانت تتعامل معاها تخيل كل شي مخيف واخوف مايمكن انه يشوفه انسان في حياته ظلمات لليل عفاريت موت برد وحدة عقارب وثعابين وكانك تشوف فلم في فديو بس انت البطل تتعامل معاها وبكذا ماراح تخاف . في الصلاه اذا مرت كلمة جهنم كنت اخاف الان ولله الحمد اقول العياذ بالله منها واتخيل انها بعيد واني امر من بعيد . القبر اتخيل اني اطير في كهف ملي بالانوار والطيور . في السابق كنت اتخيل الضيق والتنفس لكن كل شي في عالم الارواح مثل الجنين بطن امه اكبر له من العالم واذا خرج يبكي لانه دخل الحياه وكان بطن امه امان رغم ان البطن ضيق جدا كذلك القبر ولهذا السبب حاولت اتعامل مع كل شي اخاف منه واتحاور معه واتحداه والحمد لله احس اني رجل جديد مثل ماكنت اول وانا صغير احب المغامرة ولا في شي يصدني .

هذي الاسباب العملية مع هذا الدعاء وشي طبيعي ان الدعاء في كل وقت وفي الصلاه سواء كنت مريض او لا .

اتمنا اجد اجاباتكم وتجاربكم عن هذا الشي