نفساني - عرض مشاركة واحدة

09-02-2008, 04:40 AM

اهلا بكم وبالمتفاعلين بالموضوع . لكن انتظر مشاركات الباقين وتطبيقهم التجربة . عموما يا اخوان
بعض المصطلحات مثل هل فعلا راح نشفى اذا طبقنا الطريقة .
هل هي مفيدة .
هل هي خرافه .

انا ابغى الكل يجربها انا جربتها والحمد لله وقفت العلاج وانتهى كل شي من الماضي مثل طفل كان يخاف يسبح وخايف من الغرق الان هو افضل سباح في الالومي العالمي .

بالنسبة وقت النوبه وسوال الاخ من غير نوبه ومن غير اي شي من قبل النوبه انت حاول تفكر في وقت ماتكون عندك فيه نوبه بالتفكير الى قلت لك عليه يعني حاول انت الى تهاجم النوبة بالتفكير ماتنتظر في الليل تهاجمك او وقت الصلاه او اي وقت انت اهجم عليها بعد ماتكون غيرت صور كل مخاوفك في دماغك وانت مسترخي وتتعامل معاها على انها شي مايخوف .

المثل المحبوب الشهير لي وهو ( قرقر كثير مافي كويس ) انا ما ابغى كلام وتعليقات ابغى تجارب لكم حتى تنتفعون واتاكد انتو فاهمين صح او لا . اما الانسان الى مايحاول يعالج نفسه او يحب انه يكون دائما ضحية ومسكين هذا حر في نفسه وما على الرسول الا البلاغ .

وللمعلومية قراءت في مواقع غربيه هناك اشخاص كان عندهم نوبات هلع وانتهى واصبح شي جميل من ذكريات الماضي المضحكة .

اما الى عندة عوارض والام اقول له اذا كانت تصحل فقط مع النوبه عالج النوبه مثل ماقلت لك اما لو كانت سواء مع النوبه او بدون نوبه ولها تاريخ راجع الاطباء النفسيين والعضويين او المتخصصين في مجال الاعصاب والدماغ وهكذا . واعتقد ان كل الموجودين هنا رده فعلهم سريعه مثل ردت فعلي اي استثارة الاعصاب سريعه ولهذا احيانا الفكر يكتسب بسرعه بدون تمحيص .

انتظر تفاعلك وتجاربكم ونوقف التكشي الا لو كان تشخيص ونقاش علمي .