نفساني - عرض مشاركة واحدة

12-02-2008, 01:52 PM

امل جديد
السلام عليكم
الظاهر ان مبقاش غيرنا فى النادى المهم ممكن تتواصلى معايا سواء
كان هنا او هناك احيكى ياسيدتى عما يضايقك وانا كمان هحكيلك على الذى يضايقنى
بلا عنوان دخلت واعطتنا شوية رسائل ايجابية لكن الظاهر برضو انها مش فاضياة لنا الان
انا ياسيدتى ...............افضفض والا بلاش
انا من زمان وانا تعبان سعات بفتكر الحاجات اللى ببتعبنى وساعات لا
انا من ايام اعدادى حاوالت الانتحار تخيلاى
طبعا هتسألو لية مش هقدر اقول اكتر من كدة كتبت الحقيقة كلها الصبح فى العيادات لكن المشاركة لم تصل
المهم بعد محاولة الانتحار بسنتين يعنى وانا فى ثانية ثانوى
جالى انهيار عصبى نوبة من الضحك والبكاء والضحك والبكاء
الشديد قعدت حوالى 3 ساعات .....اخدت ساعتها الموتيفال واستمريت علية لفترة
بعد ما تزوجت بحوالى 6 سنوات جائتنى نوبة الهلع ودى بقى مكنش لية يد فيها
انا كنت مستنى الموت وعاوز اموت بس دة طلع الموت صعب قوى
المهم من كام يوم حصل موضوع لصاحبى واحد صحبى
قلب عليا المواجع فخفت وهربت من صحبى دة....ومورتوش وشى تانى
الان ماشى على السبرالكس كل يوم والزانكس عند اللزوم
يعنى دة باختصار شديد وبدون ذكر اسباب
انتى بقى اية قصتك
يامل جديد اسم جميل امل جديد .......مش بعكسك ولا بمدحك
فانا لا اعرفك ولا اومن بالصداقة عبر النت ولا عاوز اتجوز انا بس بدل
ما اكتب مذكرات لقيت المنتدى دة وخصوصا ان فية على ما اظن اخصائيين بيقروا المواضيع دى
ودى اول مرة اشترك فيها فى منتدى يعنى لقيته شىء جميل ان الواحد يطلع اللى جواه بدون ما حد يعرفة
لكن مقولتيش انتى منين من اسكندرية والا اقول خلينا اصحاب فى المنتدى وبس
الاخ المعتبر مبقاش يظهر وكمان فرج الله وكمان دموع الشموع
دول باين عليهم من دول مختلفة بس ثقافتهم ممتازة
عارفة يامل..... انا كنت هرجع اكتب مذكراتى تانى لكن المنتدى حل مشكلة المذكرات دى
عارفة انا بكتب مذكرات من وانا عمرى 13 سنه تقريبا يعنى من اولى
اعدادى كدة يعنى عندى كتاب مذكرات ايوة كتاب حوالى 400 وكذا صفحة بعدين نبقى نتكلم اكتر عاوز اقرالك اكتبى او حتى اكتبيلى على
البريد بتاعى ونتقابل على الشات ولو انى معرفش فين الشات لكن اعرف الياهو والهوت ميل مسنجر ممكن نتكلم على واحد منهم
سلام انا طولت لانى حاسس انى عاوز اتكلم مع حد
حاسس بية برضوا
عماد