e.g

بيانات اضافيه [ + ]

رقم العضوية : 23422  تاريخ التسجيل :  03 2008  أخر زيارة : 12-04-2008 (07:24 PM)  المشاركات : 26 [ + ]  التقييم :  10

لوني المفضل : Cadetblue

اسمحي لي انا اعارضك فيما تقولين، واحسست من كلامك انك تردين ان تاخذي كما تعطي وبصراحة دا خطأ..اسمحي لي انا مثلك تمام عندي كم هائل من الاصدقاء وفي الاول كنت زيك كده اقول نفس اللي قولتيه بس الدنيا علمتني ان الحياه فن تعامل يعني اللي عايزة تحل مشكلة انا تحت امرها وثوابي عند الله ومش عايزاها تسمعني في مشاكلي لان دعيت ربي ان ما اتحوجش لحد ودي قوة مش ضعف متستنيش من حد حاجة عاملي ربنا..
اما اللي بتغير فده طبع فيها ليكي انك تقبليه او ترفضيه بس قبل ما ترفضي او تقبلي شوفي انتي فيكي عيوب واصحابك مستحملنها والا مسحوا ارقامك من عندهم وسابوكي..فكري شوية واللي مالهاش هدف دي متحاولي تصحيها وان مصحتش استحمليها وفكري برضه...
اما اللي في شغلك فدول مش اصحاب دول زمايل وفي فرق كبير ما بين الاثنين الاصدقاء والزملاء والزملاء طبيعي بيبقى ما بنهم غيرة وحقد ومنافسة ودا طبعا مش كلهم عشان مظلمش حد..
فكري بطريقة ثانية: حطي نفسك مكان كل واحدة مسحتي رقمها وما بقاش بنكوا كلام شوفي انتي هتبقي عاملة ازاي؟ يعني اللي مترضهوش على نفسك اوعي ترضيه على غيرك...
اتمنى متزعليش مني او من كلامي انا بس حبيت اقول رأيي وفي الاول والاخر انتي حرة في حياتك تختاري اللي انتي عايزاه بالشكل اللي يعجبك..
بجد ما تزعلي مني واتمنى من الله انك تعرفي تقرأي اللغة العامية اللي كتبت بيها..
وانشاء الله ربنا يوفقك في حياتك..