e.g

بيانات اضافيه [ + ]

رقم العضوية : 23422  تاريخ التسجيل :  03 2008  أخر زيارة : 12-04-2008 (07:24 PM)  المشاركات : 26 [ + ]  التقييم :  10

لوني المفضل : Cadetblue

اختي احلاهم واتحداهم..
الشكر لله وحده...
انتي فيكي حاجات كتير مني انا فعلا كنت زيك بالضبط وبقولك كنت، كنت بتاثر بكل المشاكل لدرجة ان جاتلي امراض غريبة بسبب المشاكل دي امراض عضوية غير ان حالتي النفسية كانت تحت الصفر بمراحل، بس اكتشفت اني لازم اتغير وبعون الله وحده اتغيرت والحمد لله بسمع كل المشاكل وبلعب وبفرح وبزعل بس خليت الزعل على مشاكلي او مشاكل غيري ما يخدش معايا اكتر من يومين، ويومين وارجع لحياتي الطبيعية كان لازم افصل لاني مش هعيش عمري اللي هو هعيشوا مرة واحدة بس فقرف ونكد وغم واكتئاب وامراض وفي الاخر بعد كل ده مش هيحصل غير اللي ربنا عايزة قلت طب ليه مادام كده كده اللي عايزة ربنا هيكون يبقى بلاش تعب اعصاب وضياع ايام من عمري على الفاضي فكري كده في كلامي وصدقيني لما هتقتنعي هتعيشي مبسوطة في وسط كل اصحابك واحبابك حتى لو كنتي بتحلي مشاكلهم بس يارب تكوني فاهمة كلامي...حاولي توضحي لكل اصدقائك انك تحت امرهم في اي وقت الا في ساعات الشغل وطبعا توضحي الصورة بطريقة ظريفة..اما انك تشوفي والدك زي والد صحبتك فده لانك تاثرتي جدا بمشكلة صحبتك لدرجة انك تقمصتي دورها وجعلتي والدك رغما عن انفه ياخذ دور والدها وده خطا، عندنا مثل مصري بيقول (صوابعك مش زي بعضها)يعني مختلفين في احجامهم ودي حقيقة حتى فالبشر فهمتيني؟؟ على كل حال لو مش فاهمة قوليلي وانا اوضحلك اكتر او بصورة احسن....ويا رب دائما تكوني بصحة وسعادة وخير...طمنيني عليكي لان يهمني انك توصلي للقرار الصح عشان تبقي فعلا احلاهم واتحداهم اسما وفعلا....