|
مش عارفة أعيش الواقع أعمل ايه ؟ تعبت بجد
السلام عليكم ورحمة الله
انا دى اول مشاركة ليا وباتمنى أنكم تساعدونى
انا طالبة جامعية عندى 22 سنة اسرتى زى اى اسرة عادية مش متشددين ولا اى حاجة بس أنا مش باعرف اتعامل خالص مع اى شاب مش عارفة خوف ولا ايه ؟
انا كتير بفكر وباحلم بانى ارتبط بشاب وانى احبه وباعيش فى الحلم ده لكن فى الواقع انا معنديش اى استعداد للتعامل مع اى شاب
شباب كتير اتقدمت للزواج منى انا بافرح فى الاول وباعيش فى حلم جميل انى خلاص هارتبط واحب حد بس بارجع ارفض والاسباب مش عارفاها من جوايا رافض حتى لو الشخصية دى انا باتمناها بس برده بارفض
انا قريت عن الرهاب الاجتماعى وشايفة ان عندى حجات كتير من الاعراض ديه زى الخجل والخوف من الكلام وكتير باحس انى باترعش لو حد كلمنى ومش باعرف اتكلم
بجد نفسى اعيش حياة طبيعية وعايزة اعرف ايه سبب رفضى لللارتباط برغم انى بجد باتمنى ده
( أنا حياتى كلها بعيشها بمزاجى فى احلامى زى المؤلف الى بيألف قصة أنا بألفها وأعيش فيها لكن مش عارفة أعيش فى الواقع خالص رافضه اعيش الواقع )
أنا أسفة على الاطالة
أرجوا أفادتى
مع الشكر
|