همس الغمام

بيانات اضافيه [ + ]

رقم العضوية : 2399  تاريخ التسجيل :  09 2002  أخر زيارة : 21-11-2004 (08:01 PM)  المشاركات : 291 [ + ]  التقييم :  10

لوني المفضل : Cadetblue

" الوجــوه الملونه "

الســــــ عليكم ورحمةالله وبركاته ـــــــلام

الوجه الاول : يقابلك في اليوم الاول : هلا وسهلا ، أسفرت وانورت ، كيف الحـــــال ؟ .. وش هالغيبه؟.. شغلتم البال؟..والله ان شوفتك تريح (ومن ذا الهرج).

الوجه الثاني (بعد فتره) : ويـــــــــن انت؟.. ماشفناك من أيام؟
( ترد عليه) : والله الصحه مش ولابد.. تعبان شوي. يقول بينه وبين نفسه : ليـــــته دوم .. ويسألك : هاااااااااااه خدمه.. شئ..لايردك الا لسانك؟
ترد عليه : مشكور مانستغنى عنك. وهو يتمتم :متى الفكه ياربي:3:
تقوله :والله ودي منك كذا..وكذا. يقولك : ابشر وهو يتمتم : يالنشبه.

الوجه الثالث (وبعد فتره) : يقول عنك :فلان فيه ومافيه !! والعيوب السبعه ماتخطيه !! اليوم سوى كذا..وكذا.. والبارح كان كذا..وكذا..!! أعطى هذا ومنع ذاك !! وضحك مع فلان وزعل من علان !! ركب سيارته الحمرا !! وكسر نظارته السودا !! راح مع فلان يتغدى !! وعزم فلان للعشا !! (شفت! هو كذا من وراك .. خلاك علك بين أسنانه .. وهو يتمنى يعضك بأنيابه :2: ).

الوجه الرابع (بعد أيــــــــــام) : يقابلك ويقول : أخوي ..صديقك فلان قال وقال ، أخوي .. صديقك علان سبك البارح في مجلس فلان وقال فيك:................!! (مالم يقله مالك في الخمر)..
أخوي..زعطان قبل ايام قلل من قيمتك بين الناس.
فتروح انت لأصحابك فلان وعلان وزعطان وتسألهم عن كللللللللل اللي قاله فيستغربون من أسالتك ويتعجبون من كلامك ويطلبونك تواجههم فيه حتى يكشفون لك كذبه ..... فتجمعهم فيه وينكشف كذبه من صدقه وتتعرى صورته للجميع وتنكشف لك وجوهه الملونه ومع هذا مايخجل .. وبتلوين وجهه مايمل .. وفي اعتقاده.. ان هذا هو قدره .. رضيت ولا انرضيت .. فمثله الأعلى ((((( ان لم تستحي فاصنع ماتشتهي ))))).

هذا هو صاحبنا وهو صوره لناس كثير .... واحنا مجبورين نعيش معاهم لأنهم جزء من المجتمع .. وعشان كذا لازم يكون لنا دور في اصلاحهم .

طيب .. وشهو هذا الدووووووووووووووووور :D :D :D :D ؟؟؟؟؟


شاركوني .......لكم اجمل التحايا (الجوري).

المصدر: نفساني