الاخت الحنونه

بيانات اضافيه [ + ]

رقم العضوية : 24298  تاريخ التسجيل :  05 2008  أخر زيارة : 25-08-2012 (06:20 AM)  المشاركات : 73 [ + ]  التقييم :  10

لوني المفضل : Cadetblue

السلام عليكم ورحمة الله وبركاته
اسعد الله ايامك بالخيريالاخ SERENDIPITY
انا جدآآآآآآآآآآآآآآسعيده بردودك ووالله كلامك مقنع وانا اخده على محمل الجد
حسردلك وحكتب لك كل شي واي شي نقصني او كان بقلبي حرجع اكتبه كله واسفه لان حيكون كلامي كثير
*احنا كعائله اعرف عائلته من فترة سنين وكان بيننا علاقة اعجاب من سنه وكانت من جهته وانا كنت اكن له الاحترام ولا بالي منه لحد ماصارحني وقال لي انا معجب فيك وانه بصراحه يحبني الصراحه هو شخص جدآرائع من قبل الخطوبه وزاد اعجابي وحبي له وتعلقي فيه من بعد الخطوبه تقريبا اصبح لنا مخطوبين 10شهور وزواجنا كان بعد فتره وجيزه جدآآآ..لكن كان زواجنا ميسر جدآآ ومختصر بسبب ظروفه الماديه وكان يقول انا اريد اسعدك بقدر الامكان وماابغى اضيق عليك,والدي ووالدتي جدآآ معجبين فيه لانه بصراحه شاب لايعوض ابدآآ ولا ازكيه على الله والله العظيم يقول لي دائمالوتحسنت اوضاعي انتي ارتاحي وخليكي بالبيت هو يفضل ان الست تقعد والراجل هو الي يصرف يعني ابدآآآهو مو مادي او نظرته ماديه ولا يرضى انه اساعده باي فلس مثل بعض الشباب الله يصلحهم .
*طبيعتي قلقه واعقد الامور قبل لاأخوضها وبعد مااعملها اقول الله قد ايش كانت الامور سهله بس انا عقدتها هو لا هذا الشي وكان يقول انا معاك خطوه بخطوه لحد ماتخففي من القلق الي انتي فيه بأمر الله انا احب اسعدك واكون عون وسند لك وبصراحه سار اكثر من موقف وهو كان معايه حسيت بالامان وكان بجد يخفف عليه بكل مايستطيع (كل الامور تعقدت وانا عقدتها لاني خفت افقد جوهره ثمينه مثله)
*بالنسبه لموضوع السفر وانه يتوطن كانت لا على البال ولا على الخاطر كان مقدم لها عام 2006م ومااحد رد عليه بخصوص هدا الموضوع ,,,هو فرح لانه قال هدا خير لنا انا وانتي حتى اسس نفسي وارجع متاسس صح واكون متحمل كل نفقات الزواج والبيت وانه ضمان بأذن الله لمستقبل اطفالنا حتى مايسير فيهم الي سار لنا من ظروف انا قلت له هدا موضوع يخصك انتا ومايخصني بلحظة صدمه كنت فيها هو زعل من هده النقطه وكمان من حكاية قلت له انا اترك العمل واروح معك فترة كم سنه طيب ممكن زواجنا مايستمر وننفصل وبكون خسرت كل شي انتا ووظيفتي فقال انا اكتشفت انك انتي ماتحبيني وانتي كنتي بس تمثلي لي بالحب يعني انانيه مااعطاني فرصه ادافع عن نفسي وتغيرعليه,, صحيح اعتذر ليه بس بعد فتره لكن انا اساله على اي اساس طلعت هدا الكلام عليه من اي قاعده اقتبست كلامك هدا مو شك فيه واساء الظن اذا اهتزت العلاقه صح او انا غلطانه ((طيب انا كل الي عملته بس هذا وبكيت كم يوم ماقدرت امسك نفسي نفسيتي تعبت موطايقه يسافر واخاف يسافر مايرجع والله العظيم يقول لي ان العلاقه انتهت ولا اظل انتظر لان بصراحه اكره الانتظار واعيش بأمل كذاب))
*من اول ماكلمني بخصوص امريكا قال نروح لامريكا نعيش فيها فتره كم سنه نأسس نفسنا ونرجع لبلدنا وانا عرضت عليه حكاية انه اخد اجازه استثنائي من شغلي وقال فكره حلوه بس نفكر فيها بعدين بتوسع(مااقدر ابعد عن اهلي لانهم بحاجه ليه)بعدين الزواج تأجل ويمكن يظل يتأجل ؟؟؟؟لان الان مانقدر نحدد ايش بالزبط حيسير يمكن مايلقى شغل ممكن الجواز يتاخر افهمت عليه
******يعني بصراحه الي يعيش بامريكا ويرجع لبلد عربي حيسير يقارن والله امريكا كدا ووووومن الكلام المعروف بعدين ممكن يستقر هناك يعجبه الوضع طيب احنا عرب وتعرف العادات والتقاليد كيف نعاني من التربيه وفي بلادنا فمابالك بدوله متفتحه كيف حيتربوا وتعرف كيف الاسلام فيها يعني توافقني بكلامي او لا ؟؟؟
*الاسباب الواقعيه التي خلتني اتاكد انه متغير ومايبغى العلاقه تستمرــــــــ>اهتمامه اصبح قليل وسارمو ودود مثل اول وسار يفكر بالسفر وانا سمعت كلامك وكلمته وقلت له انه مااحب انه مانتكلم مع بعض فتره قال لا انا ابغى وزاد الفتره من اسبوعين الى شهر قال (سببتي لي الاكتئاب ومليت منك اقلك ثورتقولي....وانه عملت عليه افلام ومناحه قال نفسيتيك تعبانه ونفسيتي معاك)بصراحه كلام يجرح من انسان كان يراعيني الى انسان بهدا الشكل وقلت له لو كان هدا تمهيد لانهاء العلاقه فياليت تكون مميز وتقول لي من بدري انه تبغى تنهي العلاقه قال لالالالالا
*يعني بصراحه كنت انا من اولوياته وكنت الاولى الان اصبحت الثانيه والسفر هو الاول وسار يذكر حكاية النصيب كثير وانه ياما ناس تزوجت وانفصلت هو مالغاني لكن سار مايعرف ايش حيسير معه ممكن شغلته تطول لاكثر من سنه وهو يقول خلاص مانتكلم بالموضوع لحد مااسافر واسير اقو لك لاني ماابغاكي تبنين على افتراضيات ولعلمك التام كل ماابغى بس اسال سؤال اساله بخصوص طيب كيف او .....؟بس افهم مو ليه الحق يبدأ يعصب وتنشد اعصابه ويبغى يقفل لمااساله ليش يقول لا سيبي الموضوع او ايش الي يدور براسك لا تبني, طيب انا مااعرف عن الموضوع هو الي يعرف حجته انه انا اكبر السالفه واعمل هليله ليش يعني هو صاحب الموضوع يقول 6شهور لمااجي اذكر 6شهور يقول لاتبني عليها لان بكره تقعدي تقولي انتا قلت حتيجي بعد 6شهور يعني بصراحه هو مو غلطان بحقي المفروض يحتويني مو يبعدني مين الاناني فينا انا او هو لكن اقعد حاطه لساني بفمي عشان يرضى ومايزعل بالله كيف يجيني نفس اتكلم معه وانا قلبي مليان وعقلي بالاسئله لا لازم اتكلم حتى اعرف ايش مصيري معاه
**** لكن نفسيتي هدأت جدآآآ هادي اليومين وانا والله جدآآآآ سعيده لاني سرت كل يوم انتظر ردودك ووكلامك عين العقل ****
اسفه للاطاله