معانده الهم

بيانات اضافيه [ + ]

رقم العضوية : 24089  تاريخ التسجيل :  05 2008  أخر زيارة : 08-01-2010 (01:31 PM)  المشاركات : 601 [ + ]  التقييم :  10

لوني المفضل : Cadetblue

السلام عليييكم

اسعد الله اوقاتكم يارب

ماحب اقدم مقدمات او اطيل بالكلام بأبدى على طوول

انا طالبه جامعيه عمري 18 سنه

مشكلتي هي تقريبا الرهاب لكن الحمدالله اني اقدر اخفيه يعني اللي يجوفني وانا مع صديقاتي مايظن اني املك اي مشكله

ومادري ليش اذا تواجدت معاهم تختلف شخصيتي 180 درجه

اكون انسانه مرحه ودمي خفييف واقدر اواجه الاشخاص اللي قدامي

واسولف معااهم

لكن اذا كنت بروحي اكون العكس سااكته ولا انطق بأي حرف

وخاصه اني ادري اني اذا قلت وابديت رايي بيسخرون مني ويجرحوني

فأفضل الصمت وحتى لو حد كلمني ماارد الا بعبارات مختصرررره جدا

وابتسامه سخييفه صح الابتسام في وجه اخييك صدقه بس مو 24 ساعه

اكثر شي يخوفني اهو يكون في بيتنا لمة (جمعة) حريم كبار في العمر

ماتتخيلون شكثر اخااف وارجف واترجى امي انها ماتعزمهم صح

اني قبل ماكنت اطلع واضيفهم وكله قاعده في الغرفه ومنحاشه منهم

لكن بديت شوي شوي احاول اتغلب على هالشي

الا انه لما اتواجد معاهم سااااااااااااااااااااااكته ولا كلمه اللي يجوفني

ومايعرفني يقول هاذي ماعندها لسان ولا خبله :(

ولما اضيفهم ترتجف يدي واحس نفسي خبله هذا غير الحركات

اللي اسويها من الخوف مثل اني شوي واطيح الفناجين عليهم

ولا شوي وادوسهم هذا غير اني اصير ما اعرف امشي عدل

لاني احس انهم يطالعون طريقتي بالمشي :(

ودايما ما اكره نفسي بعد مايطلعون الحريم من عندنا واكره تصرفاتي

وغبائي

من كثرة الرهاب من الناس حتى التلفون ماارد عليه اسمع انه يرن

بس اخاف ارد مع اني ادري ان المتصلات بيكونون حريم بس بس شتقول :(

ودايما ما احس بالخوف اذا ماتواجدوا صديقاتي معاي واحس اني غبيه

مع العلم ان دائرة معارفي بسيييطه اللي هي صديقاتي هم
الاشخاص اللي يفهموني وماراح ينتقدوني


هذا غير اني اوقف في نص الكلام وغير اني ماقدر اطالع الناس بعيونها

عندي الكثيييير الكثيييير والله بس اخليها للمره الجايه



ملاحظه انا ماطرحت مشكلتي ادور الحل طرحتها من باب الفض فضه لا اكثر ولا اقل


ودمتم برووح قوويه