|
الاستاذ.القحطــــــــــــــــــاني ..ارجو المساعدة
بسم الله الرحمن الرحيم
السلام عليكم ورحمة الله وبركاته...
عساك طيب انشاء الله
والله يا أستاذ عندي مشكلة كبيرة تاعبتني موصلتني للاكتئاب وكرهت نفسي وكرهت الدنيا والحياة والله ان الانتحار لو مو حرام والله العظيم لانتحر..
انت عارف مشكلتي من البداية وعارف انا قد ايش تعبانة واحين طلعتلي مشكلة جديدة وانشاء الله القى عندك الحــــــل!!
انا الحين عند امي لان ابوي مايبغاني عنده وابوي يبغاني اجلس عند واحد من اخواني بعد الطلاق وانت تعرف حريم الاخوان محد يتحمل احد وانا من المستحيلات اعيش عندهم
انا ابغى اعيش في بيت ابوي امي كل يوم تلقح علي بالكلام على ان ابوي مو سائل ولا يرسلي مصاريف وان هي الفلوس اللي تجيها من اخواني يدوب تكفيها
انا مابغى شي انا ابغى اعيش في هدوء تعبت من كثرة المشاكل ابغى اقعد عند ابوي في ملحق محد يجيه ابغى اجلس فيه ولا اشوف احد ولا احد يشوفني بس كيف اقنع ابوي اني اعيش عنده وزوجته ورا ابوي تحرشه
انا امس انا وامي تخاصمنا من ضمن الكلام جابت طاري الزواج تقولي لو تطلقتي اي واحد بيجيكي بتتزوجيه قلت لها انا معد ابغى الزواج كرهته تعرف ايش قالت لي !!قالت واحنا ايش درانا ليش انت ما تبغي تتزوجي !!ماتتصور قد ايش الكلمة هذه جرحتني لان هذه ثاني مرة تجرحني المرة الاولى لما شكو فيني انو انا فيني شي وودوني المستشفى عشان يكشفو علي.. صعب مرة ان الواحد يكون عارف نفسه انو اشرف من الشرف ويجي احد ويشكك فيه وبعد ما الدكتورة قالتلهم ان انا لسه بنت جلست امي واختي شهرين يترضوني ويتأسفون على اللي سووه معي .. وبعد كذا تجي امي تعيد كلام اول انا تعبت ومن يوم قالتلي وانا في حالة زفت مايكفي اللي فيني جات امي تزيدني بذا الكلام ..انا لا ابغى افهم منها ليش قالت كذا ولا ابغى اتكلم معها انا والله اكره امي ماحسها انها امي مااحس في شي يربطني معها غير كلمة امي بس
انا تعبت وصلت حدي..
ان في حالة بكاء متواصل من اللي فيني من اول وهذا زادني ارجـــــــــــــــوك عطني حل!!!!
نفسي اعيش بملجأ اوخر عن هذولي الناس اللي مايهمهم غير مصلحتهم وبس
.................................................. ...............................................
في شي ثاني ابغى اقولك عليه
انا ارسل مسجات لزوجة ابوي اقولها فيها انك انت اكيد كنتي كذا مع غيري مو بس انا تضحكي على كل وحدة وبعدين تطفشين منها
وارسلها ادعي عليها ان الله يصيبها ولا يهنيها وتقعد طول عمرها في قلق وضيق من ذا ااالكلام
يمكن انو كلام تافه بس ايش اسوي انا قلتلك استاذ انا ابغى اسوي شي بس مادري ايش هو غير كذا ابغاها تحس في المأساه اللي عيشتني فيها..وبعد مارسلت لها استغربت انها مادقت علي وتسألني ايش في
تحياتي لك وارجو منك المساعدة فيالوصول لحل ..
وعندي طلب بس اخاف ماترضى لانه احتمال ماترضى!
|