نفساني - عرض مشاركة واحدة

06-06-2008, 12:13 AM

* أخلاق للبيع *

على فرش فى سوق الدنيا رأيت .. ويالعجب !!

أخلاق كتير للبيـــــع .. وكله حسب الطلب

أكياس كتيـــر ملآنه ... ذوق ؛ وطيبه ؛ وأدب

وأكياس تانيه فاضيه .. كل اللى فيها اتسحب

كانت ملآنه غش ؛ وخداع ... على قلة أدب

البيع كان عليها بعركه ؛ وخناق ؛ وضرب ؛ وشغب

ومن ساعتها الناس .. حالها ياعينى اتقلب

***

آدى مجدى ؛ كان آخر تمـــام .. مع صديقه رجب

صداقه ؛ ومحبه ؛ واخوة .. موصوله بألف سبب

فجأه ؛ كل ده راح .. والحيط بيه انضرب

وانهارت صداقة عُمر .. على أهون وأتفه سبب

أصل الحقيقه المُره .. ان الإسفين ده انضرب

عشان كانت " منفعه " .. وزمانها ولى وهرب

وكل واحــد منهم .. راح لحـــاله ؛ وذهب

****

ومن دى أمثله كتيرة ..تحَزِّن وتدمى القلب

وأرجع وأقول : ماهى دُنيا ..الود فيها اتغلب

أحوالها متقلبه .. مابين سعـــاده وغضب

من يوم ما أخلاقها نزلت .. فى سوق عرض وطلب

****** بقلمى *****

المصدر: نفساني