ثااامــــر

بيانات اضافيه [ + ]

رقم العضوية : 4568  تاريخ التسجيل :  08 2003  أخر زيارة : 13-10-2012 (03:46 AM)  المشاركات : 1,526 [ + ]  التقييم :  10

لوني المفضل : Cadetblue

امس كنت بمهمة عمل وتغديت هناك عزمني زميلنا الموظف بالخبر ووداني لجيان
طبعا معروف جيان وهل يخى القمر
دخلت وصف المطاعم من كل ماركة عالمية في هالساحه البيضاوية ووسطها ساحة جليدية
طبعا طلبنا وجلسنا وماخذين غير هالبشر الي جلسوا بطاولات وازدحم المكان بالناس شباب وكبار وبنات كلهم موظفين من كل الشركات يجيون يتغدون في جيان
طبعا انا عرفت ان زميلنا الحبيب مغزلجي بمتياز من هالمكان المفضل عنده
خوينا قال شوف شوف جالسات ذيك الجهة ياويلي حرام يقومون ياخذون الطلب هذيلن ينخدمن
انا اكل واطالع فيه وبيني وبين نفسي اقول والله صدق وابتسمت بخجل له
قال : لاتقول ماتغازل او تعرف بنات يابو سعد تراك عزوبي لاتسوي فيها
قلت : خلنا نكمل غدانا يبن الحلال ترى الموضوع الي انت فاتحه معي الحين منزله بمنتدى ومعترض على الغزل كمبدء بغض النظر عن اي شي ثاني
قال: ياشيخ انت تشوف الي اشوفه عطور وغنج ودلع وعيون تاخذ العقل وتقولي معترض , ياخي هنا البنت تجيك وتعطيك الرقم اذا اعجبت فيك وبعدين المحترمة ماتغازل اما الي تبي تغازل وش علي ابغازل واونس عمري
انا : اقول تراك فتنتني بهالمكان وصدقني ترى باقي شي بسيط واغازل من الي اشوفه هنا
يرحم والدينك خلنا نخلص ونمشي
هو : ياخي ماني مصدق انت ماتغازل طيب لو جتك بنت ورقمتك وش بتسوي
قلت : مدري يرحم والديك فكنا من هالسيره انا طالع استناك برا بدخن
هو : جاه اتصال ومتحمس مع المكالمة وارتفع صوته
انا : حسيت ان الموضوع يتعلق بشركة واساسا في خبر انتظره وتمنيت يكون الي جالس يتكلم فيه
هو : اماااااااااانه 40 الف بدل السكن صدق !!! الله يبشرك بالخير طبعا صوته واصل وين مايحتاج اوصف
انا : عودت وماحسيت بنفسي الا وانا اصارخ كاني مسجل هدف حاسم فثمنيات مبروووووووك يا فلان والله احلى خبر
وجلست معه والفرحه مشققتنا وبدينا عاد نعطي بعض من الرخيص والغالي ..
هو : والله ياثامر وجهك وجه خير من طلعت وياك
انا : صراحه انت يامقري عليك يانك بركة بحالك اظاهر بتمسح فيك كودي اغدي محظوظ
هههههههههه ضحك وانسه معه
ويوم هدينا بدينا نطالع الناس الي تاركه غداها ومعلقين الانظار فينا
طبعا حسيت بالحرج كنا مسوين زحمه وازعاج
انا : قم يافلان مشينا ياحلو
وهو ياخي تغدى كل يوم بالخبر ونفس هطاولة بعد ههههههه