sumaaa

بيانات اضافيه [ + ]

رقم العضوية : 24649  تاريخ التسجيل :  06 2008  أخر زيارة : 08-07-2008 (01:40 AM)  المشاركات : 2 [ + ]  التقييم :  10

لوني المفضل : Cadetblue

السلام عليكم
انا عضو جديد في المنتدى وحابة اشارك بقصتي
انا سعودية من المدينة المنورة وعمري 27 جامعية وقد حدث اني عملت بعدة اماكن نسائية مختلفة
وقبل 6 اشهر جاني عرض اني اشتغل سكرتيرة طبية في مستشفى
وفعلا رحت وقدمت واشتغلت هناك وخلال فترة تواجدي بالمستشفى اتعرفت على طبيب من جنسية مصرية عمره 32 سنة وهو انسان كويس ويصلي واهم شي انه يخاف الله ويبغى يتزوجني
انا حبيته فعلا لصدق نيته وطيب اخلاقه وهو من عائلة محترمة جدا وابوه مهندس وامه محاسبة واخوانه اطباء وعايشين في السعودية
المهم في يوم من الايام حصل لي التهاب شديد في اللوز وسخونة شديدة وذهبت للمستشفى عشان اخذ اجازة
وهناك حصل لقاء بين هذا الطبيب وبابا واول ما شافه بابا قال عليه باين انو ولد ناس
والحمد لله بعدها ارتحت وحتى هو ارتاح وقلت ان شاء الله بابا يوافق لمن يتقدملي
بعد يومين اعطيت بابا كرت هذا الطبيب وقلتله انو يبغاه في موضوع
المهم الطبيب اتصل على بابا وقاله تسمحلي اقابلك في اي مكان او ازورك في البيت يعني نتعرف على بعض وابغاك في موضوع ...
بابا اصر انو يعرف الموضوع قبل المقابلة ولمن قاله اذا ممكن يعني نتعرف على بعض وتعرفني كويس عشان انا حابب اتقدم لبنتك لاني عرفت انها انسانة كويسة ومحترمة وابغاها بالحلال ...
المهم بابا قاله هذا الموضوع انا مالي رأي فيه لازم ارجعلها واسأل اخوانها وامها
بعدها بابا عمل الخيرة 3 ايام وكان يحلم كوابيس وسألني رأيي وانا قلت له قابله عشاني واتعرف عليه واعرف هو مين واسأل عنه بعدين اعمل الخيرة براحتك وانا اعملها كمان وربي يسهل الامور ، بابا رفض انو يقابله تماما وقال انا ما ابغى اعمل شي والشغلة مو على كيفك واتصل باخويا الكبير وهو يدرس في امريكا وطبعا اخويا رفض واتصل بالطبيب تاني وقاله معليش مافي نصيب والبنت رافضة واهلها واخوانها كلهم رافضين وانا رافض والله يسهلك باللي احسن منها
طبعا الطبيب حاول يمسك في بابا على التلفون بس ياخذ منه موعد على الاقل يقابله حتى يكون امام ربنا عمل اللي عليه لكن بابا لم يتجاوب معاه ابدا
وفضلنا على هذا الحال شهرين وانا حاول اقنع ماما واخواتي انهم يرجعو يكلمو بابا تاني لكنه رفض
بعدين شهرين حاولنا نوصل لحل اننا نوسط دكتور وشيخ من اهل المدينة ومعروف جدا وصديق مقرب لبابا عشان يحاول يقنعه بالموضوع وان الموضوع بالحلال والرجال دق الباب والرسول صلى الله عليه وسلم قال ( لو جاءكم من ترضون دينه وخلقه فزوجوه الا تفعلوا تكون فتنة وفساد في الارض كبير )وما يبغى شي يحصل بالقوة يعني نبغى رضاه عن الموضوع وبس لكن كل المحاولات بائت بالفشل ..........................
قولولي كيف اقنع بابا ؟
انا احب هذا الشخص ومتعلقة فيه وهو يبادلني الحب اكثر مني
وحاولت بعدة طرق منها اني كتبت رسالة طويلة لبابا اعبر فيها عن حبي له واني ارغب في الستر والزواج وكمان حلمت فيه اني اتزوجته وحصل الموضوع برضى اهلي وماما عزمت ناس كثيرين على الفرح حتى انا استغربت انو ماما عزمت كل هدول الناس وسمعت صوت هذا الطبيب في بيتنا مع صوت مديري في العمل يتكلموا بس مش فاكرة الحلم بالضبط ..
وهو حلم انو انا وهو كنا جالسين في مكان ما نعرفه وكان صدري مكشوف فقام مد يده وغطاني وبعدها صحي من الحلم ...
وكتبت لبابا في الرسالة اني لمن اتعرفت عليه هو اللي اقنعني البس النقاب والعباية الواسعة عشان محد يتكلم عليا ولا احد ينظرلي نظرة سيئة
ودعيت له في الرسالة وحطيت صورتي انا وبابا مع بعض وطلبت منو انو يعطيني فرصة وحدة بس عشان اثبتله اني صح ، لكنه قرأ الرسالة وجلس يبكي وبرضو رافض الموضوع ...
بعدها قمت بتقبيل يده ورأسه ورجله واترجيته عشان يوافق بس يقابله وبعدها يحكم لكن رفض وعصب عليا ... وقالي انسي الموضوع
ياناس قولولي ايش اسوي ...
مع العلم انو بعد المحاولة الثانية مع بابا اللي بوسطة الشيخ بابا خلاني اترك العمل واجلس في البيت .. وبعدها نفسيتي تعبت وماصرت اكل كثير لكن كل يوم ادعي ربنا بشتى الطرق انو يتمم الموضوع .. بس اكيد في طريقة ما تخلي بابا يوافق يا ناس دلوني ايش اعمل ؟؟؟؟؟
سامحوني القصة طويلة بس ما لقيت احد اتكلم معاه
وشكرا