عم نواف

بيانات اضافيه [ + ]

رقم العضوية : 24635  تاريخ التسجيل :  06 2008  أخر زيارة : 21-06-2017 (04:35 AM)  المشاركات : 2 [ + ]  التقييم :  10

لوني المفضل : Cadetblue

الصدمه الثالثه من اخي ؟؟؟؟؟؟؟؟ من ابي وامي
اخوي كنت مطيع له بشكل غير طبيعي واذا حسيت اني انظلمت وعارضت
يستخدم اسلوب التهزيء واسلوبه مره يجرح ومابي اسوي مشاكل واطيعه
احس انه هو سبب القضاء على شخصيتي لانه دايم يحاول يطلعني انا الغلطان
وهو الصح عشان انصاع له بكل شي بحكم اني ماعرف شي في الحياة وانه هو
الفاهم ومافيها شي اذا الواحد يسال الي اكبر منه الى ان جاء اليوم الي وقفت في وجهه لما زوجته هاوشت امي واهانتها انتقاما مني لاني ماتزوجت اختها ؟؟؟؟ مع العلم امي هي الي اختارتها لانها سوريه وماعندها جنسيه وتبي تاخذ اجرها المصيبة الكبرى ان اخوي وقف مع زوجته وماغلطتها ولا حتى عاتبها بل طلعها هي الصح وامي هي الغلطانه بل كان يضحك يوم هاوشت امي ؟؟ والمشكله ان هو انسان ملتحي وامام مسجد ؟؟؟؟؟؟؟؟؟؟
وفعلا البنت قهرتني بسبب اني رفضت اختها ؟؟؟؟؟؟ انا ماسكت بل سبيتها وسبيته هو وكبرت المشكله ماقدرت اضبط مشاعري وانفلت وصرت انسان عصبي بدرجه كبيره وانقهرت كثير وامي انسانه كبيره في السن وفيها ضغط وسكر وماكانت سعيده بحياتها مع ابوي لان اخوي طالع على ابوي مايهتم الا بمصلحة نفسه وبس والحياه معهم تجيب الهم بس امي صبرت عشان عياالها
بس مهما كان هو ابوي واحترمه بس انا قلت الواقع المر
انا الحين احس اني كنت نايم والصدمات هذي صحتني من حلمي الي كنت فيه طيب حيل زياده عن اللزوم وصرت انتبه وش يصير لي وصرت اميز عدوي عن صديقي لكن احيانا كل ماتذكر المواقف هذي يجيني اكتئاب غصب عني وماقدر اضبط مشاعري لدرجة القى نفسي اسولف بالكلام الي مفروض قلته بنفس الموقف لاخوي او صديقي او ولد عمي بدون احس حتى لو في ناس عندي ويسبب لي احراج كبير كيف اضبط مشاعري وش احتاج اسوي انا فيني صفه وحده مبالغ فيها وهي الخجل بسبب اللتغه في حرف الراء لدي هل اقدر اعالج مشكلة اللتغه ووين ؟
عندي شرود ذهني بشكل كبير ماقدر اركز في فكره معينه احس الافكار ناقصه وبسرعه تختفي كنت طالب متفوق جدا جدا بس الحين اهملت دراستي صرت انسى بسرعه وبشكل مو طبيعي تركيزي ضعيف جدا جدا كيف استعيد قوة تركيزي ؟ عندي كذلك احلام اليقضه بشكل كبير كيف اتخلص منها خاصه انها تاخذ وقتي في صلاتي ماصحى منها الا وقت التسلميه
كيف اتعامل مع الي يحاولون يستغلون طيبتي ؟
وش العلاج احتاج طبيب نفسي ولا محتاج ؟ ولا يكفي التوجيه ؟
مشكورين
اذا عندك سؤال لي انا جاهز في اي وقت اتمنى التوفيق للجميع